ದೊಡ್ಡಬಳ್ಳಾಪುರ: ತಾಲೂಕಿನ ಕೈಗಾರಿಕಾ ಪ್ರದೇಶದ ಮಜರಾಹೊಸಹಳ್ಳಿ ವ್ಯಾಪ್ತಿಯಲ್ಲಿ ದಿನೇ ದಿನೆ ಕರೊನಾ ಪ್ರಕರಣಗಳು ಹೆಚ್ಚುತ್ತಿದ್ದು,ಇಂದು ಅದೇ ವ್ಯಾಪ್ತಿಯಲ್ಲಿ ಐದು ಮಂದಿ ಮಹಿಳಾ ಕಾರ್ಮಿಕರಿಗೆ ಸೋಂಕು ದೃಢಪಡುವ ಮೂಲಕ ತಾಲೂಕಿನಲ್ಲಿ ಒಟ್ಟು 35 ಮಂದಿಗೆ ಸೋಂಕು ದೃಢಪಟ್ಟಿದೆ.
ತಹಶಿಲ್ದಾರ್ ಟಿ.ಎಸ್.ಶಿವರಾಜ್ ಅವರು ಬಿಡುಗಡೆ ಮಾಡಿರುವ ತಾಲೂಕಿನ ಹೆಲ್ತ್ ಬುಲೆಟಿನ್ ಅನ್ವಯ,ಬುಧವಾರದ ಸಂಜೆಯ ವರಗೆ. 22 ಮಂದಿ ಪುರುಷರು ಹಾಗೂ 13 ಜನ ಮಹಿಳೆ ಸೇರಿ ಮುವತ್ತೈದು ಜನರಿಗೆ ಸೋಂಕು ದೃಡಪಟ್ಟಿದೆ.
ಹರಿತಲೇಖನಿಗೆ ದೊರಕಿರುವ ವರದಿಯಂತೆ,ಮಜರಾಹೊಸಹಳ್ಳಿ 5, ದೇವರಾಜನಗರ, ಸ್ಕೌಟ್ ಕ್ಯಾಂಪ್ ರಸ್ತೆಯಲ್ಲಿ ತಲಾ 2, ಸುಣಘಟ್ಟಹಳ್ಳಿ, ರೋಜಿಪುರ, ಮಂಜುನಾಥ ಬಡಾವಣೆ, ಕರೇನಹಳ್ಳಿ, ದೊಡ್ಡಬೆಳವಂಗಲ, ಎಸ್.ನಾಗೇನಹಳ್ಳಿ, ಹುಣಸೇಪಾಳ್ಯ, ಟಿಬಿ ವೃತ್ತ, ಚೈತನ್ಯನಗರ, ಗಾಂಧಿನಗರ, ಇಸ್ಲಾಂಪುರ, ಆರೂಢಿ, ಮೆಳೇಕೋಟೆ, ಮುಪ್ಪಡಿಘಟ್ಟ, ಅಂಚಾರಹಳ್ಳಿ, ಕುಚ್ಚಪ್ಪನಪೇಟೆ, ರಾಜೀವ್ ಗಾಂಧಿ ಕಾಲೋನಿ, ಪೊಲೀಸ್ ಕ್ವಾಟ್ರಸ್ ಹಿಂಬಾಗದ ರಸ್ತೆ, ಸೊಣ್ಣೆನಹಳ್ಳಿ, ಹುಲಿಕುಂಟೆ, ಪಾಲನಜೋಗಹಳ್ಳಿ, ರೋಜಿಪುರ, ಖಾಸ್ ಬಾಗ್, ವಾಸವಿ ಚೌಟ್ರಿ ಸಮೀಪ, ಭುವನೇಶ್ವರಿ ನಗರ, ಶಾಂತಿನಗರ ಮೊದಲ ರಸ್ತೆಯ ತಲಾ ಒಬ್ಬರಲ್ಲಿ ಸೊಂಕು ದೃಡಪಟ್ಟಿದೆ.
ಪ್ರಸ್ತುತ ತಾಲೂಕಿನಲ್ಲಿ 956 ಮಂದಿಗೆ ಸೋಂಕು ತಗುಲಿದ್ದು, 669 ಮಂದಿ ಗುಣಮುಖರಾಗಿದ್ದರೆ 25 ಮಂದಿ ಸಾವನಪ್ಪಿದ್ದಾರೆ.
ಸೋಂಕಿಗೆ ಒಳಗಾದ 48 ಮಂದಿಯನ್ನು ದೊಡ್ಡಬಳ್ಳಾಪುರ ಕೊವಿಡ್ ಕೇರ್ ಸೆಂಟರ್ನಲ್ಲಿ ಚಿಕಿತ್ಸೆ ನೀಡಲಾಗುತ್ತಿದ್ದು,ಉಳಿದ 214 ಮಂದಿಯನ್ನು ದೇವನಹಳ್ಳಿ / ಹಜ್ ಭವನ/ಖಾಸಗಿ ಆಸ್ಪತ್ರೆ / ಹೊಂ ಹೈಸೋಲೇಷನ್ / ಇಸ್ತೂರಿನ ವಸತಿ ನಿಲಯ / ಬಚ್ಚಹಳ್ಳಿ ವಸತಿ ನಿಲಯ / ಬೆಂಗಳೂರಿನ ಸರ್ಕಾರಿ ಸಾರ್ವಜನಿಕ ಆಸ್ಪತ್ರೆ ಹಾಗೂ ಕೆಂಗೇರಿಯ ಮಹಾವೀರ್ ಜೈನ್ ವಿದ್ಯಾರ್ಥಿ ನಿಲಯದಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ ಎನ್ನಲಾಗಿದೆ.
