ನವದೆಹಲಿ; ಉತ್ತರ ಪ್ರದೇಶದ ಆಗ್ರಾ ಬಳಿ ಮಿಗ್-29 ಯುದ್ಧ ವಿಮಾನವು ಪತನಗೊಂಡ ಘಟನೆ ಇಂದು ನಡೆದಿದ್ದು, Video ವೈರಲ್ ಆಗಿದೆ.
ಘಟನೆಯಲ್ಲಿ ಪೈಲೆಟ್ ಪ್ರಾಣಾಪಾಯದಿಂದ ಪಾರಾಗಿದ್ದು, ಆಸ್ಪತ್ರೆಗೆ ದಾಖಲಿಸಲಾಗಿದೆ.
ಯುದ್ಧ ವಿಮಾನವು ಪ್ರತಿ ನಿತ್ತದಂತೆ ಅಭ್ಯಾಸಕ್ಕೆಂದು ಪಂಜಾಬ್‌ನ ಆದಂಪುರದಿಂದ ಬೇಸ್‌ನಿಂದ ಟೇಕಾಫ್ ಆಗಿದ್ದು, ಆಗ್ರಾಕ್ಕೆ ತೆರಳುತ್ತಿದ್ದಾಗ ಈ ದುರ್ಘಟನೆ ಸಂಭವಿಸಿದೆ.
ಘಟನೆ ಸದ್ಯ ನಿಖರ ಕಾರಣ ತಿಳಿದುಬಂದಿಲ್ಲ.
ಪೈಲೆಟ್ ಮುಂಜಾಗ್ರತೆ ವಹಿಸಿದ ಕಾರಣ ಜನನಿಬಿಡ ಪ್ರದೇಶವಲ್ಲದೆ, ಹೊಲವೊಂದರಲ್ಲಿ ವಿಮಾನ ಪತನಗೊಂಡಿದ್ದು, ದೊಡ್ಡಮಟ್ಟದ ದುರಂತ ತಪ್ಪಿದೆ.
ವಿಮಾನವು ಧಗ-ಧಗ ಹೊತ್ತಿ ಉರಿದಿದ್ದು, ಸ್ಥಳೀಯರು ಕಿಕ್ಕಿರಿದು ಸೇರಿದ್ದರು. ಅಲ್ಲದೆ ಮೊಬೈಲ್ ಗಳಲ್ಲಿ ವಿಡಿಯೋ ಸೆರೆ ಹಿಡಿದು ಸಾಮಾಜಿಕ ಜಾಲತಾಣದಲ್ಲಿ Video ವೈರಲ್ ಮಾಡಲಾಗಿದೆ.
ಘಟನೆ ಸಂಬಂಧ ರಕ್ಷಣಾ ಇಲಾಖೆಯು ತನಿಖೆಗೆ ಆದೇಶಿಸಿದೆ.
