ದೊಡ್ಡಬಳ್ಳಾಪುರ: ಇಂದಿನಿಂದ ರಾಜ್ಯಾದ್ಯಂತ 2025-26 ನೇ ವರ್ಷದ ಶೈಕ್ಷಣಿಕ ತರಗತಿಗಳು ಇಂದಿನಿಂದ ಆರಂಭವಾಗುತ್ತಿವೆ. ಈ ಹಿನ್ನೆಲೆಯಲ್ಲಿ ನಗರದ ಪ್ರತಿಷ್ಠಿತ ನಳಂದ ಪ್ರೌಢಶಾಲೆಯಲ್ಲಿ (Nalanda High School) ಸ್ಕೌಟ್ಸ್ ಮತ್ತು ಗೈಡ್ಸ್ ನರ್ಸರಿ ವಿಭಾಗದ ವಿದ್ಯಾರ್ಥಿಗಳನ್ನು ಬನ್ನೀಸ್ ಮೂಮೆಂಟ್ ಗೆ (Bunnies movement) ಇನ್ವೆಸ್ಟಿಚ್ಯುರ್ ಸೆರೆಮೊನಿ (Investiture ceremony) ಯ ಮೂಲಕ ಸ್ವಾಗತಿಸಲಾಯಿತು.
ಸ್ಕೌಟ್ಸ್ ಮತ್ತು ಗೈಡ್ಸ್ ವಿದ್ಯಾರ್ಥಿಗಳು ಕೃತಕವಾಗಿ ನಿರ್ಮಿಸಿದ ಕಾಡಿನ ಪರಿಸರದಲ್ಲಿ ಮೊಲದ ಬಿಲದ ಮೂಲಕ ಮಕ್ಕಳೆಲ್ಲರೂ ಸಭಾಂಗಣವನ್ನು ಪ್ರವೇಶಿಸಿ ಬನ್ನೀಸ್ ಕ್ಯಾಪ್ ಮತ್ತು ಬನ್ನೀಸ್ ದಂಡವನ್ನು ಪಡೆದುಕೊಂಡರು.
ಅತ್ಯಂತ ಶಿಸ್ತು ಬದ್ಧವಾಗಿ ನಡೆದ ಕಾರ್ಯಕ್ರಮವನ್ನು ಶಾಲಾ ಕಾರ್ಯದರ್ಶಿ ಅನುರಾಧ ಕೆ.ಆರ್ ಅವರು ಗಿಡಕ್ಕೆ ನೀರೆರೆಯುವ ಮೂಲಕ ಉದ್ಘಾಟಿಸಿದರು.
ಈ ವೇಳೆ ಮಾತನಾಡಿದ ಅವರು, ಸ್ಕೌಟ್ಸ್ ಮತ್ತು ಗೈಡ್ಸ್ ನ ನರ್ಸರಿ ವಿಭಾಗಕ್ಕೆ ಬನ್ನೀಸ್ (ಪುಟಾಣಿ ಮೊಲಗಳು) ಎಂದು ಕರೆಯಲಾಗುತ್ತದೆ. ಬನ್ನೀಸ್ ಮೂಮೆಂಟ್ ನ ಮುಖ್ಯ ಉದ್ದೇಶ ಪ್ರತಿ ಮಗು ಪ್ರಕೃತಿಯೊಂದಿಗೆ ಒಡನಾಡಿ ಪ್ರಾಣಿ – ಪಕ್ಷಿ ಗಿಡ – ಮರಗಳ ಜೊತೆ ಪರಿಸರ ಪ್ರೀತಿಯೊಂದಿಗೆ ಕಲಿಯುವುದಾಗಿದೆ. ಪ್ರಾಣಿ – ಪಕ್ಷಿ ಗಿಡ – ಮರಗಳನ್ನು ಒಳಗೊಂಡ ಅನೇಕ ಚಟುವಟಿಕೆಗಳ ಮೂಲಕ ಮಕ್ಕಳಿಗೆ ಪ್ರಾಕೃತಿಕ ವಾತಾವರಣದಲ್ಲಿ ಬೋಧಿಸಲಾಗುತ್ತದೆ.
ಪುಟಾಣಿ ಮಕ್ಕಳಿಗೆ ಈ ವಿಧಾನವು ಅತ್ಯಂತ ಉತ್ತಮವಾದ ಕಲಿಕಾ ವಿಧಾನವಾಗಿದ್ದು ಮಕ್ಕಳ ಸರ್ವತೋಮುಖ ಬೆಳವಣಿಗೆಗೆ ಅತ್ಯಂತ ಸಹಾಯಕವಾಗಿದೆ ಎಂದು ತಿಳಿಸಿದರು.
ಸಭೆಯಲ್ಲಿ ಗೈಡ್ಸ್ ಕ್ಯಾಪ್ಟನ್ ಸುನಿತಾ ಪಿ, ಸ್ಕೌಟ್ಸ್ ಕ್ಯಾಪ್ಟನ್ ಅನಿತಾ ಕೆ.ಪಿ, ಬನ್ನೀಸ್ ಲೀಡರ್ಸ್ ಭಾರತಿ ಎನ್, ಲಕ್ಷ್ಮಿ ಎಂ.ವಿ, ಸಂಧ್ಯಾ ಡಿ.ಕೆ, ದೀಪ ಎಸ್, ಸುಷ್ಮಾ ಎಸ್ ಮತ್ತು ವಸಂತ ಎಲ್.ವಿ ಭಾಗವಹಿಸಿದ್ದರು.
