ಚೆನ್ನೈ: ‘ವೈದ್ಯಕೀಯ ಕೋರ್ಸ್‌ಗಳ ಅರ್ಹತಾ ಹಾಗೂ ಪ್ರವೇಶ ಪರೀಕ್ಷೆ (NEET) ವ್ಯವಸ್ಥೆಯು ನೈತಿಕ ಹಗರಣವಾಗಿದ್ದು, ಪ್ರತಿ ಹಂತದಲ್ಲಿ ಹಣವೇ ಆಟವಾಡುತ್ತದೆ’ ಎಂದು ತಮಿಳುನಾಡು ಮುಖ್ಯಮಂತ್ರಿ ಎಂ.ಕೆ.ಸ್ಟಾಲಿನ್ (MK Stalin) ಆರೋಪಿಸಿದ್ದಾರೆ.
ನೀಟ್ ಯುಜಿ 2025 ಅಂಕಗಳನ್ನು ತಿರುಚಿದ್ದಕ್ಕಾಗಿ ಮಹಾರಾಷ್ಟ್ರ ಮೂಲದ ವೈದ್ಯ ಮತ್ತು ಎನ್‌ಟಿಎ (ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ) ಅಧಿಕಾರಿಗಳ ವಿರುದ್ಧ ಸಿಬಿಐ ಪ್ರಕರಣ ದಾಖಲಿಸಿರುವ ಕುರಿತು ಟ್ವೀಟ್ ಮೂಲಕ ಪ್ರತಿಕ್ರಿಯೆ ನೀಡಿದ್ದಾರೆ.
NEET ಪರೀಕ್ಷೆಯ ಆರಂಭದಿಂದ ಕೊನೆಯವರೆಗೆ, ಹಣ, ಹಣವೇ ಆಟ.
ನೀಟ್ ಪರೀಕ್ಷಾ ವ್ಯವಸ್ಥೆಯೇ ಒಂದು ನೈತಿಕ ಹಗರಣ! ಅಷ್ಟೇ ಸಾಕಾಗುವುದಿಲ್ಲ ಎಂಬಂತೆ, ಪ್ರಶ್ನೆ ಪತ್ರಿಕೆಯಿಂದ ಹಿಡಿದು, ಪರೀಕ್ಷಾ ಕೊಠಡಿಯವರೆಗೆ, ಫಲಿತಾಂಶಗಳ ಬಿಡುಗಡೆಯವರೆಗೆ ಪ್ರತಿಯೊಂದು ಹಂತವೂ ಅಕ್ರಮಗಳು ಮತ್ತು ಹಗರಣಗಳಿಂದ ತುಂಬಿದೆ.
ಆರ್‌ಎಸ್‌ಎಸ್-ಬಿಜೆಪಿ (RSS-BJP) ಸಮ್ಮೇಳನಗಳಲ್ಲಿ ಪ್ರದರ್ಶನಕಾರರಾಗಿ ಕುಳಿತುಕೊಳ್ಳಲು ಸಮಯವಿರುವ ಎಐಎಡಿಎಂಕೆ (ಬಿಜೆಪಿ ಮಿತ್ರ ಪಕ್ಷ) ಸದಸ್ಯರಿಗೆ, ಈ ವಿಷಯಗಳ ವಿರುದ್ಧ ತಮ್ಮ ಯಜಮಾನರ (ಪ್ರಧಾನಿ ಮೋದಿ) ಮುಂದೆ ಮಾತನಾಡಲು ಸಮಯವೂ ಇಲ್ಲ, ಘನತೆಯೂ ಇಲ್ಲ! ಎಂದು ಸಿಎಂ ಸ್ಟಾಲಿನ್ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
