ಕೆ.ಎಂ.ಸಂತೋಷ್, ಆರೂಢಿ (ದೊಡ್ಡಬಳ್ಳಾಪುರ): ದುಬೈಯಲ್ಲಿ ನಡೆಯುತ್ತಿರುವ ವೈಮಾನಿಕ ಪ್ರದರ್ಶನದಲ್ಲಿ ದುರಾದೃಷ್ಟವಶಾತ್ ನಿನ್ನೆ ಭಾರತದ ತೇಜಸ್ ಯುದ್ಧ ವಿಮಾನ (Tejas Fighter Jet) ಪತನವಾಗಿದ್ದು, ಪೈಲಟ್ ಸಾವನಪ್ಪಿದ್ದಾರೆ.
ದುಬೈನ ಅಲ್ ಮಕ್ರೂಮ್ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ ಸಮೀಪ ತೇಜಸ್ ಪತನವಾಗುತ್ತಿದ್ದಂತೆ ದಟ್ಟ ಹೊಗೆ ವ್ಯಾಪಿಸಿದ್ದು, ವಿಡಿಯೋ ವೈರಲ್ ಆಗಿದೆ.
ಎಚ್ಎಎಲ್ ನಿರ್ಮಿತ ಈ ಲಘುಯುದ್ಧ ವಿಮಾನ (ಎಲ್ಸಿಎ) ಶುಕ್ರವಾರ ಮಧ್ಯಾಹ್ನ ಏಕಾಏಕಿ ಭೂಮಿಗೆ ಅಪ್ಪಳಿಸಿದೆ. ಪೈಲಟ್ ನಮಾನ್ಶ್ ಶೈಯಲ್ ಮೃತಪಟ್ಟಿದ್ದಾರೆ.
ಘಟನೆಗೆ ಕಾರಣ ಇನ್ನೂ ಗೊತ್ತಾಗಿಲ್ಲ. ಭಾರತೀಯ ವಾಯುಪಡೆ ತನಿಖೆಗೆ ಆದೇಶ ನೀಡಿದೆ. 2 ವರ್ಷಗಳ ಅವಧಿಯಲ್ಲಿ ತೇಜಸ್ 2ನೇ ಬಾರಿಗೆ ಪತನವಾದ ಉದಾಹರಣೆಯಿದು.
ವಿಶ್ವದ ಅತಿದೊಡ್ಡ ವೈಮಾನಿಕ ಪ್ರದರ್ಶನಗಳಲ್ಲಿ ಒಂದಾದ, 2 ವರ್ಷಕ್ಕೊಮ್ಮೆ ನಡೆಯುವ ದುಬೈ ಏರ್ ಶೋ ವೇಳೆ ಈ ಅಪಘಾತ ಸಂಭವಿಸಿದೆ ಎಂದು ಮೂಲಗಳು ತಿಳಿಸಿವೆ. ಈ ಏರ್ ಶೋ ವೈಮಾನಿಕ 6 ದಿನಗಳಿಂದ ನಡೆಯುತ್ತಿದೆ.
ಪಾಕ್ ಪತ್ರಕರ್ತನ ವರ್ತನೆಗೆ ಕಿಡಿ
ತೇಜಸ್ ವಿಮಾನ ಅಪಘಾತವನ್ನು ಮೊಬೈಲ್ ಮೂಲಕ ವಿಡಿಯೋ ರೆಕಾರ್ಡ್ ಮಾಡುವ ವೇಳೆ, ಪಾಕಿಸ್ತಾನಿ ಪತ್ರಕರ್ತ ಭಾರತೀಯ ಯುದ್ಧ ವಿಮಾನ ಪತನವಾಗಿ, ಪೈಲಟ್ ಸಾವನಪ್ಪಿರುವ ವೇಳೆ ನಗುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ವ್ಯಾಪಕ ಆಕ್ರೋಶ ವ್ಯಕ್ತವಾಗುತ್ತಿದೆ.
ವಿಮಾನ ಪತನ, ಪೈಲಟ್ ದುರ್ಮರಣದಲ್ಲಿಯೂ ನಗುವಂತ ಪಾಕ್ ಪತ್ರಕರ್ತನ ಮನಸ್ಥಿತಿಯನ್ನು ನೆಟ್ಟಿಗರು ಬೇಸರ ವ್ಯಕ್ತಪಡಿಸುತ್ತಿದ್ದಾರೆ.
ಭಾರತೀಯ ವಾಯುಪಡೆಯ ಪೈಲಟ್ ಸಾವನ್ನು ನೋಡಿ ಪಾಕಿಸ್ತಾನಿ ಪತ್ರಕರ್ತರೊಬ್ಬರು ನಾಚಿಕೆಯಿಲ್ಲದೆ ನಗುತ್ತಿರುವ ವಿಡಿಯೋ ಇಲ್ಲಿದೆ ನೋಡಿ.
ಯಾವುದೇ ಪಾಕಿಸ್ತಾನಿ ಸೈನಿಕರು ಅಥವಾ ಪೈಲಟ್ಗಳು ಸತ್ತರೆ ಯಾವುದೇ ರೀತಿಯ ಸಹಾನುಭೂತಿ ತೋರಿಸುವ ಅಗತ್ಯವಿಲ್ಲ ಎಂಬ ಆಕ್ರೋಶ ಸಾಮಾಜಿಕ ಜಾಲತಾಣದಲ್ಲಿ ವ್ಯಾಪಕವಾಗಿದೆ.
