ದೊಡ್ಡಬಳ್ಳಾಪುರ: ತಾಲೂಕಿನ ಕುಂಟನಹಳ್ಳಿಯಲ್ಲಿ (Kuntanahalli) 70ನೇ ಕನ್ನಡ ರಾಜ್ಯೋತ್ಸವ ಹಾಗೂ 22 ದೇವತಾ ಮೂರ್ತಿಗಳ ಪೂಜಾ ಉತ್ಸವ ಸಂಭ್ರಮದಿಂದ ನಡೆಯಿತು.
ಕನ್ನಡ ರಾಜ್ಯೋತ್ಸವದ ಅಂಗವಾಗಿ ಗ್ರಾಮದಲ್ಲಿ ಕನ್ನಡ ಧ್ವಜಗಳು, ತೋರಣಗಳಿಂದ ಸಿಂಗರಿಸಲಾಗಿತ್ತು.
ಧ್ವಜಾರೋಹಣ ನೆರವೇರಿಸಿದ ಗ್ರಾಮಸ್ಥರು, ಗ್ರಾಮದ ಆಂಜನೇಯಸ್ವಾಮಿ ದೇವಾಲಯದಲ್ಲಿ ತಳಿರು ತೋರಣ, ದೀಪಾಲಂಕಾರ ಮಾಡಿದ್ದರು.
ದೇವಾಲಯದ ಆವರಣದಲ್ಲಿ ಇದೇ ಪ್ರಥಮ ಬಾರಿಗೆ 22 ದೇವತಾ ಮೂರ್ತಿಗಳನ್ನು ವಿವಿದೆಡೆಗಳಿಂದ ಕರೆತಂದು ಕೂರಿಸಿ, ವಿಶೇಷ ಅಲಂಕಾರ ಮಾಡಿ ಪೂಜೆ ಸಲ್ಲಿಸಿದರು.
22 ದೇವತಾ ಮೂರ್ತಿಗಳು
ಭೈರವೇಶ್ವರ (ಕೂಗೋನಹಳ್ಳಿ), ಆಂಜನೇಯ (ಕುಂಟನಹಳ್ಳಿ), ಆಂಜನೇಯ (ಬೋಮ್ಮನಹಳ್ಳಿ). ಮುನೇಶ್ವರ (ನಾಗೇನಹಳ್ಳಿ). ತಿಮ್ಮರಾಯಸ್ವಾಮಿ (ಅದ್ದೆ). ಮಾದೇಶ್ವರ (ಮೆಣಸಿ), ಚೆನ್ನಕೇಶವಸ್ವಾಮಿ (ಕಾಡನೂರು), ಭೈರವೇಶ್ವರ (ಬಿದನೂರು), ಶ್ರೀ ರಾಮ (ತಳಗ ವಾರ), ವೆಂಕಟರಮಣ (ಅಣಗಲಪುರ), ಶನಿಮಹಾತ್ಮ (ಹೊನ್ನಾಘಟ್ಟ), ಅಕ್ಕಮ್ಮ (ಹೊನ್ನಾಘಟ್ಟ), ಕೆಂಪಮ್ಮ. (ಬ್ಯಾಡಹಳ್ಳಿ), ದೊಡ್ಡಮ್ಮ (ದೊಡ್ಡಬಳ್ಳಾಪುರ ), ಮುತ್ಯಾಲಮ್ಮ (ದೊಡ್ಡಬಳ್ಳಾಪುರ) , ಲಕ್ಷ್ಮಿ (ಗೊರವನಹಳ್ಳಿ ), ಮಹೇಶ್ವರಮ್ಮ (ನೇರಳಘಟ್ಟ), ಲಕ್ಷ್ಮಿಕರಗದಮ್ಮ (ಸೊಮಶೆಟ್ಟಿಹಳ್ಳಿ), ಲಕ್ಷ್ಮಿ ನರಸಿಂಹ (ಲಿಂಗಾಪುರ), ಚನ್ನಕೇಶವ (ಆವತಿ), ಮೈಲಾರಲಿಂಗ (ದೊಡ್ಡಬಳ್ಳಾಪುರ) , ಪಟೇಲಮ್ಮ (ಅದ್ದಿಗಾನಹಳ್ಳಿ)ದೇವಾತಾ ಮೂರ್ತಿಗಳನ್ನು ಕೂರಿಸಲಾಗಿತ್ತು.
ಕಳಸಗಳನ್ನು ಹಿಡಿದ ನೂರಾರು ಮಹಿಳೆಯರು ಗ್ರಾಮದಲ್ಲಿ ಮೆರವಣಿಗೆ ಮೂಲಕ ಆಗಮಿಸಿ, ದೇವತಾ ಮೂರ್ತಿಗಳಿಗೆ ಪೂಜೆ ಸಲ್ಲಿಸಿದರು.
ನಾಡು ನುಡಿಗಳ ಬಗ್ಗೆ ಅಭಿಮಾನ ಮೂಡಿಸುವ ದಿಸೆಯಲ್ಲಿ ಕನ್ನಡ ರಾಜ್ಯೋತ್ಸವ ಹಾಗೂ ಗ್ರಾಮದ ಒಳಿತಿಗೆ ದೇವತಾ ಮೂರ್ತಿಗಳಿಗೆ ಪೂಜಾ ಕಾರ್ಯಕ್ರಮವನ್ನು ವಿಜೃಂಭಣೆಯಿಂದ ಹಮ್ಮಿಕೊಳ್ಳಲಾಗಿದೆ.
ಈ ಹಿಂದೆ ಗ್ರಾಮದಲ್ಲಿ 11 ದೇವತಾ ಮೂರ್ತಿಗಳನ್ನು ಕೂರಿಸಲಾಗಿತ್ತು. ಈಗ 22 ದೇವತಾ ಮೂರ್ತಿಗಳಿಗೆ ಪೂಜೆ ಸಲ್ಲಿಸಲಾಗುತ್ತಿದೆ. ಲೋಕ ಕಲ್ಯಾಣ, ಸಹಬಾಳ್ವೆ, ಸಾಮರಸ್ಯದ ಜೀವನಕ್ಕೆ ಇಂತಹ ಉತ್ಸಾಹಗಳು ಪೂರಕವಾಗಿವೆ ಎಂದು ಗ್ರಾಮದ ಹಿರಿಯರಾದ ರಘು, ಕುಂಟನಹಳ್ಳಿ ಮಂಜುನಾಥ್, ಮುರುಳಿ ತಿಳಿಸಿದರು.
