ಹೈದರಾಬಾದ್: ಕರ್ನಾಟಕದ (Karnataka ) ಗ್ಯಾರಂಟಿ ಯೋಜನೆಯಲ್ಲಿ (Guarantee scheme) ಒಂದಾದ ಶಕ್ತಿ ಯೋಜನೆ (Sakti scheme) ಮಹಿಳೆಯರಿಗೆ ಉಚಿತ ಪ್ರಯಾಣದ ಯಶಸ್ಸಿನಿಂದ ಪ್ರೇರಣೆ ಪಡೆದಿರುವ ಆಂಧ್ರಪ್ರದೇಶ (Andhra Pradesh) ಸರ್ಕಾರ, ತನ್ನ ರಾಜ್ಯದಲ್ಲಿಯೂ ಮಹಿಳೆಯರಿಗೆ ಉಚಿತ ಬಸ್ ಯೋಜನೆ (Free bus scheme for women) ಜಾರಿಗೆ ತಂದಿದೆ.
ಈ ಯೋಜನೆ ಕರ್ನಾಟಕದಂತೆ ಆಂಧ್ರಪ್ರದೇಶದಲ್ಲಿಯೂ ಮಹಿಳೆಯರಿಂದ ವ್ಯಾಪಕ ಪ್ರಶಂಸೆ ಪಡೆಯುತ್ತಿದೆ.
ಇದನ್ನು ತಿಳಿಯಲು ಸಿಎಂ ಚಂದ್ರಬಾಬು ನಾಯ್ಡು ಅವರ ಪತ್ನಿ ನಾರಾ ಭುವನೇಶ್ವರಿ ಅವರು ಸಾರಿಗೆ ಬಸ್ ಹತ್ತಿ ಮಹಿಳೆಯರೊಂದಿಗೆ ಪ್ರಯಾಣ ಬೆಳಸಿದ್ದಾರೆ.
ಈ ವೇಳೆ ಅವರ ಬಳಿ ಬಂದ ಮಹಿಳಾ ಕಂಡಕ್ಟರ್ ಆಧಾರ್ ಗುರುತಿನ ಚೀಟಿ ಕೇಳಿದ್ದಾರೆ. ಆದರೆ ಸಿಎಂ ಮಹಿಳೆಯರಿಗೆ ಬಸ್ ಫ್ರೀ ಅಂದಿದ್ದಾರೆ, ನೀವು ಆಧಾರ್ ಕೇಳ್ತಿರಿ..? ನಾ ಫ್ರೀ ಅಂತ ಬಸ್ ಹತ್ತಿದೆ ಎಂದು ನಗುನಗುತ್ತಲೇ ಪ್ರಶ್ನಿಸಿದ್ದಾರೆ.
ಇದಕ್ಕೆ ತಮಾಷೆಯಾಗಿಯೇ ಉತ್ತರ ನೀಡಿರುವ ಮಹಿಳಾ ಕಂಡಕ್ಟರ್, ಮಹಿಳೆಯರಿಗೆ ಬಸ್ ಪ್ರಯಾಣ ಉಚಿತವೇ ಮೆಡಮ್. ಆದರೆ ಸ್ತ್ರೀ ಶಕ್ತಿ ಎಂದರೆ ಆಧಾರ್ ತೋರಿಸಬೇಕು ಮೆಡಮ್ ಎಂದಿದ್ದಾರೆ.
ಈ ವೇಳೆ ಜೊತೆಯಲ್ಲಿದ್ದವರು ಜೋರಾಗಿ ನಕ್ಕಿದ್ದಾರೆ. ಬಳಿಕ ಸಹಾಯಕರಿಂದ ಆಧಾರ್ ಪಡೆದ ಸಿಎಂ ಪತ್ನಿ, ಕಂಡಕ್ಟರ್ ಗೆ ಆಧಾರ್ ಗುರುತಿನ ಚೀಟಿ ತೋರಿಸಿ ಟಿಕೇಟ್ ಪಡೆದು ಪ್ರಯಾಣ ಮುಂದುವರಿಸಿದ್ದಾರೆ.
ಈ ಹಾಸ್ಯ ಮಿಶ್ರಿತ ಘಟನೆಯ ವಿಡಿಯೋವನ್ನು ತಮ್ಮ ಸಾಮಾಜಿಕ ಜಾಲತಾಣ ಎಕ್ಸ್ ಖಾತೆಯಲ್ಲಿ ಸಿಎಂ ನಾರಾ ಭುವನೇಶ್ವರಿ ಪೋಸ್ಟ್ ಮಾಡಿದ್ದಾರೆ.
ಕುಪ್ಪಂ ಕ್ಷೇತ್ರದ ಶಾಂತಿಪುರಂನಿಂದ ತುಮ್ಮಿಸ್‌ಗೆ ಪ್ರಯಾಣಿಸುವಾಗ, ರಾಜ್ಯ ಸರ್ಕಾರ ಜಾರಿಗೆ ತಂದ ಉಚಿತ ಆರ್‌ಟಿಸಿ ಬಸ್ ಪ್ರಯಾಣ ಸೌಲಭ್ಯವನ್ನು ನಾನು ಬಳಸಿಕೊಂಡೆ.
ನಾನು ನನ್ನ ಆಧಾರ್ ಕಾರ್ಡ್ ತರಲಿಲ್ಲ ಮತ್ತು ಕಂಡಕ್ಟರ್ ಅನ್ನು ಈಗ ಏಕೆ ಎಂದು ಕೇಳಿದೆ, ಅವರು ಉಚಿತ ಪ್ರಯಾಣಕ್ಕೆ ಗುರುತಿನ ಚೀಟಿ ಕಡ್ಡಾಯ ಎಂದು ಹೇಳಿದರು. ನಂತರ ನಾನು ನನ್ನ ಆಧಾರ್ ಕಾರ್ಡ್ ತೋರಿಸಿ ಉಚಿತ ಟಿಕೆಟ್ ಪಡೆದುಕೊಂಡೆ. ನನ್ನ ಸಹ ಪ್ರಯಾಣಿಕರೊಂದಿಗೆ ಮಾತನಾಡುತ್ತಾ ನಾನು ಮೋಜಿನ ಸಮಯವನ್ನು ಕಳೆದೆ ಎಂದು ಬರೆದಿದ್ದಾರೆ.
