ಗೌರಿಬಿದನೂರು: ಇದಕ್ಕಿದ್ದಂತೆ ಹೊತ್ತಿ ಉರಿದ ಬೆಂಕಿಯಿಂದಾಗಿ (Fire) ಲಕ್ಷಾಂತರ ರೂಪಾಯಿ ಮೌಲ್ಯದ ಪೀಠೋಪಕರಣಗಳು ಹಾಗೂ ಬುಲೆಟ್ ಬೈಕ್ ಸುಟ್ಟು ಕರಕಲಾಗಿರುವ ಘಟನೆ ಹೀರೇಬಿದನೂರಿನಲ್ಲಿ ಸಂಭವಿಸಿದೆ.
ಇರುವೆ ಗೂಡಿಗೆ ಬೆಂಕಿ ಹಚ್ಚಿದ ವೇಳೆ ಫರ್ನಿಚರ್ ಗೋದಾಮಿಗೆ ಬೆಂಕಿ ವ್ಯಾಪಿಸಿದೆ ಎನ್ನಲಾಗಿದೆ. ಶೌಕತ್ ಖಾನ್ ಎನ್ನುವವರಿಗೆ ಸೇರಿದ ಫರ್ನಿಚರ್ ಗೋದಾಮು ಇದಾಗಿದ್ದು, ಗೋದಾಮಿನಲ್ಲಿದ್ದ ಬೆಲೆ ಬಾಳುವ ಸೋಫಾಗಳು, ಡೈನಿಂಗ್ ಟೇಬಲ್ ಗಳು ಸೇರಿದಂತೆ ವಿವಿಧ ಪೀಠೋಪಕರಣಗಳು ಸುಟ್ಟು ಕರಕಲು.
ಘಟನೆಯಲ್ಲಿ 40 ಲಕ್ಷಕ್ಕೂ ಹೆಚ್ಚು ರೂಪಾಯಿ ಮೌಲ್ಯದ ಪೀಠೋಪಕರಣಗಳು ಸುಟ್ಟು ಕರಕಲಾಗಿದೆ ಎಂದು ಅಂದಾಜಿಸಲಾಗಿದೆ.
ಸ್ಥಳಕ್ಕೆ ದೌಡಾಯಿಸಿದ ಅಗ್ನಿಶಾಮಕ ದಳದ ಸಿಬ್ಬಂದಿ ಬೆಂಕಿ ನಂದಿಸಿದ್ದಾರೆ.
ಗೌರಿಬಿದನೂರು ನಗರ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ.
