ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿ (Narendra Modi) ಅವರ ಆಪ್ತ ಮೀತ್ರ, ಅಮೇರಿಕಾ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ (Donald Trump) ವರ್ತನೆ ದಿನದಿಂದ ದಿನಕ್ಕೆ ಮಿತಿಮೀರುತ್ತಿದ್ದು, ಬಿಜೆಪಿ (BJP) ಬೆಂಬಲಿಗರಿಗೆ ಇರಿಸುಮುರಿಸು ಉಂಟು ಮಾಡುತ್ತಿದ್ದಾರೆ.
ಈಗಾಗಲೇ ಪಾಕಿಸ್ತಾನ ಮತ್ತು ಭಾರತದ ನಡುವಿನ ಕದನ ವಿರಾಮಕ್ಕೆ ಕಾರಣ ನಾನೇ ಎಂದು ಸಮಾರು 67 ಸಾರಿ ಕೊಚ್ಚಿಕೊಂಡಿದ್ದಾರೆ. ಅಲ್ಲದೆ ಇದಕ್ಕೆ ನೊಬೆಲ್ ಶಾಂತಿ ಪ್ರಶಸ್ತಿ ನೀಡಬೇಕೆಂದು ಒತ್ತಾಯಿಸಿದ್ದು, ಎಲ್ಲರಿಗೂ ತಿಳಿದಿದೆ.
ಆದರೆ ಇದು ಪಾಕಿಸ್ತಾನದ ವಿರುದ್ಧ ಆಪರೇಷನ್ ಸಿಂಧೂರ ಯಶಸ್ವಿ ಎಂದು ವಿಜಯ ಯಾತ್ರೆ ಮಾಡುತ್ತಿದ್ದ ಮೋದಿ ಸರ್ಕಾರಕ್ಕೆ ಮುಜುಗರಕ್ಕೆ ಕಾರಣವಾಗಿ, ಟ್ರಂಪ್ ಹೆಳಿಕೆ ಬೆನ್ನಲ್ಲೇ ಸದ್ದಿಲ್ಲದೆ ಸಿಂಧೂರ ವಿಜಯ ಯಾತ್ರೆ ಕೊನೆಯಾಗಿ ಹೋಯಿತು.
ಬಳಿಕ ಇತ್ತೀಚೆಗೆ ರಾತ್ರೋ ರಾತ್ರಿ ನಡೆದ ಟ್ರೇಡ್ ಡೀಲ್ ಕುರಿತು ಗೋದಿ ಮೀಡಿಯಾಗಳು ಮೋದಿ ಸರ್ಕಾರದ ಪರವಾಗಿ ವರದಿ ಮಾಡುತ್ತಿದ್ದರು, ಅಮೇರಿಕಾದ ಉತ್ಪನ್ನಗಳಿಗೆ ಶೂನ್ಯ ತೆರಿಗೆ, ಭಾರತದ ಉತ್ಪನ್ನಗಳಿಗೆ ಶೇ. 18 ತೆರಿಗೆ ವಿಧಿಸಿರುವುದು, ಕೃಷಿ ಸೇರಿದಂತೆ ಅನೇಕ ಕ್ಷೇತ್ರಗಳ ಮೇಲೆ ಅಮೇರಿಕಾದ ಉತ್ಪದನ್ನಗಳು ದೊಡ್ಡ ಮಟ್ಟದ ನಷ್ಟಕ್ಕೆ ಕಾರಣವಾಗಲಿದೆ ಎಂಬ ಆತಂಕದ ಚರ್ಚೆ ನಡೆಯುತ್ತಿದೆ.
ಇದರ ಬೆನ್ನಲ್ಲೇ ಇಂದು ಟ್ರಂಪ್ ಮತ್ತೆ ವಾಚಾಳಿ ಮುಂದುವರಿಸಿರುವ ಹಳೆಯ ವಿಡಿಯೋ ವೈರಲ್ ಆಗಿದೆ.
ಅಕ್ಟೋಬರ್ 16, 2025 ರಂದು ಶ್ವೇತಭವನದ ಪತ್ರಿಕಾಗೋಷ್ಠಿಯಲ್ಲಿ ಟ್ರಂಪ್ ಈ ಹೇಳಿಕೆಯಲ್ಲಿ “ಮೋದಿ ಗ್ರೇಟ್ ಮನುಷ್ಯ, ಅವರು ಟ್ರಂಪ್ನ ಪ್ರೀತಿಸುತ್ತಾರೆ, ಬಯಸಿದರೆ ನಾನು ಅವರ ರಾಜಕೀಯ ಜೀವನವನ್ನು ನಾಶಮಾಡಬಲ್ಲೆ, ಆದರೆ ನಾ ಬಯಸುವುದಿಲ್ಲ” ಎಂದು ಟ್ರಂಪ್ ಹೇಳುತ್ತಿದ್ದಾರೆ!
ಈ ವಿಡಿಯೋ ಸಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಹಿರಿಯ ವಕೀಲ ಪ್ರಶಾಂತ್ ಭೂಷಣ್ ಸೇರಿದಂತೆ ಅನೇಕರು ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ
ಟ್ರಂಪ್ ಹೇಳಿಕೆಯ ಅರ್ಥವೇನು? ಟ್ರಂಪ್ ಅವರ ಬಳಿ ಏನೋ ಒಂದು ಇದೆ, ಅದು ಬಹಿರಂಗವಾದರೆ, ಅದು ಮೋದಿಯ ರಾಜಕೀಯ ವೃತ್ತಿಜೀವನವನ್ನು ನಾಶಪಡಿಸುತ್ತದೆ ಎಂಬ ಕಾರಣಕ್ಕಾಗಿ ಮೋದಿ ಟ್ರಂಪ್ ಅವರನ್ನು ಪ್ರೀತಿಸುವಂತೆ ಒತ್ತಾಯಿಸಲಾಗುತ್ತಿದೆ ಎಂದರ್ಥ ಅಲ್ಲವೇ ಎಂದು ಪ್ರಶ್ನೆ ಮಾಡುತ್ತಿದ್ದಾರೆ.
ಇನ್ನೂ ಸಮಾಜವಾದಿ ಪಕ್ಷದ ಅಖಿಲೇಶ್ ಯಾದವ್ ಟ್ವೀಟ್ ಮಾಡಿ: ಡೊನಾಲ್ಡ್ ಟ್ರಂಪ್ ಅವರ ದಿಟ್ಟ ಹೇಳಿಕೆ;
“ನಾನು ಬಯಸಿದರೆ, ನರೇಂದ್ರ ಮೋದಿಯವರ ರಾಜಕೀಯ ಜೀವನವನ್ನು ಕೊನೆಗೊಳಿಸಬಹುದಿತ್ತು… ಆದರೆ ನಾನು ಬಯಸುವುದಿಲ್ಲ.”
ಟ್ರಂಪ್ ಅವರ ಹೇಳಿಕೆಯು ರಾಜಕೀಯ ವಲಯಗಳಲ್ಲಿ ಹಲವು ಪ್ರಶ್ನೆಗಳನ್ನು ಹುಟ್ಟುಹಾಕಿದೆ.
ದೊಡ್ಡ ಪ್ರಶ್ನೆ: ಟ್ರಂಪ್ ಅವರ ಬಳಿ ಮೋದಿ ಬಗ್ಗೆ ಯಾವ ಫೈಲ್ ಇದೆ?
ಅಮೆರಿಕ ಅಧ್ಯಕ್ಷರು ಇಷ್ಟು ದಿಟ್ಟ ಹೇಳಿಕೆ ನೀಡುತ್ತಿರುವ ರಹಸ್ಯವೇನು?
ಈ ಹೇಳಿಕೆಯು ರಾಜತಾಂತ್ರಿಕತೆಯ ಬಗ್ಗೆ ಮಾತ್ರವಲ್ಲ, ನಿಗೂಢತೆ ಮತ್ತು ರಾಜಕೀಯ ಒತ್ತಡ ಎರಡನ್ನೂ ಸೂಚಿಸುತ್ತದೆ.
ಈಗ ಎಲ್ಲರ ಕಣ್ಣುಗಳು ಇದರ ಮೇಲೆ ಇವೆ:
ನಿಜವಾಗಿಯೂ ಫೈಲ್ ಇದೆಯೇ? ಎಂದು ಪ್ರಶ್ನೆ ಮಾಡಿದ್ದಾರೆ.
