ಇನ್ಸ್ಟಾಗ್ರಾಮ್ ಪರಿಚಯ: ಬೆತ್ತಲೆ ವಿಡಿಯೊ ಪಡೆದು ಶಿಕ್ಷಕಿಗೆ ಕಿರುಕುಳ..!

ಬೆಂಗಳೂರು: ಸಾಮಾಜಿಕ ಜಾಲತಾಣ ಇನ್ಸ್ಟಾಗ್ರಾಮ್ (Instagram) ಮೂಲಕ ಶಿಕ್ಷಕಿಯೊಂದಿಗೆ (Teacher) ಸ್ನೇಹ ಬೆಳಸಿದ ಕಾಮುಕನೋರ್ವ, ಬೆತ್ತಲೆ ವಿಡಿಯೊ (Nude video) ಪಡೆದು ಆಕೆಗೆ ಕಿರುಕುಳ ನೀಡಿದ ಪ್ರಕರಣ ಎಲೆಕ್ಟ್ರಾನಿಕ್ ಸಿಟಿಯಲ್ಲಿ ವರದಿಯಾಗಿದೆ.

ಶಿಕ್ಷಕಿಯ ಇನ್ಸ್ಟಾಗ್ರಾಮ್ ಖಾತೆಗೆ ಅಪರಿಚಿತ ಯುವಕನೊಬ್ಬ ಸಂದೇಶ ಕಳಿಸಿದ್ದು, ನಾನು ನಿನ್ನ ಶಾಲೆಯ ಹಳೆಯ ಸಹಪಾಠಿ. ನನಗೆ ನೀನು ನೆನಪಿಲ್ಲವಾ ಅನ್ನೋದು ಬೇರೆ ವಿಷಯ, ಆದರೆ ನಾನು ನಿನ್ನನ್ನು ನೆನಪಿಸಿಕೊಂಡಿದ್ದೇನೆ ಎಂದು ಆತ ಪರಿಚಯ ಮಾಡಿಕೊಳ್ಳುತ್ತಾನೆ.

ಈ ಮಾತಿನ ಮೂಲಕ ಅವನು ಶಿಕ್ಷಕಿಯ ವಿಶ್ವಾಸಗಳಿಸಲು ಪ್ರಯತ್ನಿಸುತ್ತಾನೆ. ನಂತರ ನಿಧಾನವಾಗಿ ಮಾತನಾಡುತ್ತಾ, ನನಗೆ ಕ್ಯಾನ್ಸರ್ ಇದೆ, ನಾನು ಇನ್ನೂ ಕೆಲವೇ ದಿನ ಬದುಕಿರುತ್ತೇನೆ, ನನ್ನ ಕೊನೆಯ ಆಸೆ ಎಂದರೆ ನಿನ್ನ ಜತೆ ದೈಹಿಕ ಸಂಬಂಧ ಬೆಳೆಸಿಕೊಳ್ಳುವುದು ಎಂದು ಹೇಳುತ್ತಾನೆ. ಇಂತಹ ಸುಳ್ಳು ಕಥೆ ಹೇಳಿ ಶಿಕ್ಷಕಿಯ ಮನಸ್ಸಿನಲ್ಲಿ ಕರುಣೆ ಮೂಡಿಸುವ ಪ್ರಯತ್ನ ಮಾಡುತ್ತಾನೆ. ಆದರೆ ಶಿಕ್ಷಕಿ ಅವನ ಈ ಅಸಭ್ಯ ಬೇಡಿಕೆಗೆ ಒಪ್ಪುವುದಿಲ್ಲ. ದೈಹಿಕ ಸಂಬಂಧಕ್ಕೆ ಅವಕಾಶ ಕೊಡಲಾರೆ ಎಂದು ಸ್ಪಷ್ಟವಾಗಿ ತಿಳಿಸುತ್ತಾಳೆ.

ಬೆತ್ತಲೆ ವಿಡಿಯೊ ಪಡೆದು ಬ್ಲಾಕ್ ಮೇಲ್

ಕಾಮುಕನ ಈ ಕೆಟ್ಟ ಆಸೆಗೆ ಶಿಕ್ಷಕಿ ಒಪ್ಪದಿದ್ದಕ್ಕೆ ಕಾಮುಕ ಬೇರೆ ಪ್ಲಾನ್ ಮಾಡಿದ್ದು, ಈ ವೇಳೆ ಯುವಕ ನಾನು ಕೆಲವೇ ದಿನ ಬದುಕಿರುತ್ತೇನೆ. ಬೆತ್ತಲೆ ವಿಡಿಯೊ ಆದರೂ ಕಳಿಸು ಎಂದಿದ್ದ. ಇದಕ್ಕೆ ಒಪ್ಪಿದ್ದ ಶಿಕ್ಷಕಿ ಬೆತ್ತಲೆಯ ವಿಡಿಯೊ ಕಳಿಸಿದ್ದಳು. ಇದನ್ನು ಪಡೆಯುತ್ತಿದ್ದಂತೆಯೇ ಕಾಮುಕ ಹಣ ಕೊಡು, ನೇರವಾಗಿ ಸಿಗು, ಇಲ್ಲದಿದ್ದರೆ ವಿಡಿಯೊ ವೈರಲ್ ಮಾಡುತ್ತೇನೆ ಎಂದು ಬೆದರಿಸಿದ್ದ.

ಈ ಬೆದರಿಕೆ ಎದುರಿಸಿದ ಶಿಕ್ಷಕಿ, ತಾಳ್ಮೆಯಿಂದ ಯೋಚಿಸಿ, ಪೊಲೀಸರ ಸಹಾಯವನ್ನು ಪಡೆಯಲು ನಿರ್ಧರಿಸಿದ್ದಾರೆ. ಯುವಕನ ಮಾತಿಗೆ ನೇರವಾಗಿ ಬಲಿಯಾಗದೇ, ಅವನನ್ನೇ ಬಲೆಗೆ ಸೆಳೆಯುವ ರೀತಿಯಲ್ಲಿ ಯೋಜನೆ ಮಾಡಿ. ನಿನ್ನ ಮಾತಿಗೆ ನಾನು ಒಪ್ಪುತ್ತೇನೆ, ನೀನು ಬೆಂಗಳೂರಿಗೆ ಬಾ, ನೇರವಾಗಿ ಭೇಟಿಯಾಗೋಣ ಎಂದು ಹೇಳಿ ಅವನನ್ನು ಬರಲು ಪ್ರೇರೇಪಿಸಿದ್ದಾರೆ.

ಈ ಕುರಿತಂತೆ ಶಿಕ್ಷಕಿ ಎಲೆಕ್ಟ್ರಾನಿಕ್ ಸಿಟಿ ಪೊಲೀಸರಿಗೆ ಮುಂಚಿತವಾಗಿ ಮಾಹಿತಿ ನೀಡಿದ್ದು, ದೈಹಿಕ ಸಂಬಂಧದ ಆಸೆಗೆ ಬಿದ್ದು ಆಂದ್ರಪ್ರದೇಶದ ಪುಟ್ಟಪರ್ತಿಯಿಂದ ಯುವಕ ಬೆಂಗಳೂರಿಗೆ ಬಂದಿದ್ದ ಕಾಮುಕನನ್ನು ಪೊಲೀಸರು ಬಂಧಿಸಿದ್ದಾರೆ.

ಪೊಲೀಸರು ಬಂಧಿಸಲು ತೆರಳುತ್ತಿದ್ದಂತೆ ಯುವಕ ಮರ್ಮಾಂಗ ಕತ್ತರಿಸಿಕೊಳ್ಳಲು ಯತ್ನಿಸಿದ್ದ ಎಂದು ವರದಿಯಾಗಿದ್ದು, ಎಲೆಕ್ಟ್ರಾನಿಕ್ ಸಿಟಿ ಪೊಲೀಸರು ಆತನನ್ನು ಬಂಧಿಸಿ ಜೈಲಿಗಟ್ಟಿದ್ದಾರೆ.

ಖ್ಯಾತ ಹಿನ್ನೆಲೆ ಗಾಯಕಿ ಆಶಾ ಭೋಂಸ್ಲೆ ಇನ್ನಿಲ್ಲ

ನವದೆಹಲಿ: ಪ್ರಸಿದ್ಧ ಹಿನ್ನೆಲೆ ಗಾಯಕಿ ಆಶಾ ಭೋಂಸ್ಲೆ (Asha Bhosle) ಇಂದು ಮುಂಬೈನ ಬ್ರೀಚ್ ಕ್ಯಾಂಡಿ ಆಸ್ಪತ್ರೆಯಲ್ಲಿ ನಿಧನರಾಗಿದ್ದಾರೆ. ಅವರಿಗೆ 92 ವರ್ಷ ವಯಸ್ಸಾಗಿತ್ತು. ಭೋಂಸ್ಲೆ ಅವರನ್ನು ಶನಿವಾರ ಸಂಜೆ ಆಸ್ಪತ್ರೆಗೆ ದಾಖಲಿಸಲಾಗಿತ್ತು.

“ನನ್ನ ತಾಯಿ ಇಂದು ನಿಧನರಾದರು. ಸಾರ್ವಜನಿಕರಿಗೆ ನಾಳೆ ಬೆಳಿಗ್ಗೆ 11 ಗಂಟೆಗೆ ಅವರು ವಾಸಿಸುತ್ತಿದ್ದ ಲೋವರ್ ಪರೇಲ್‌ನ ಕಾಸಾ ಗ್ರಾಂಡೆಯಲ್ಲಿ ಅಂತಿಮ ನಮನ ಸಲ್ಲಿಸಬಹುದು. ಅವರ ಅಂತ್ಯಕ್ರಿಯೆಯನ್ನು ನಾಳೆ ಸಂಜೆ 4 ಗಂಟೆಗೆ ಶಿವಾಜಿ ಪಾರ್ಕ್‌ನಲ್ಲಿ ನಡೆಸಲಾಗುವುದು” ಎಂದು ಭೋಸ್ಲೆ ಅಗಲಿಕೆಯನ್ನು ಅವರ ಪುತ್ರ ಆನಂದ್ ಭೋಸ್ಲೆ ಸುದ್ದಿಯನ್ನು ದೃಢಪಡಿಸಿದ್ದಾರೆ.

ಭೋಸ್ಲೆ ಅವರು ಸೆಪ್ಟೆಂಬರ್ 8, 1933 ರಂದು ಮಹಾರಾಷ್ಟ್ರದ ಸಾಂಗ್ಲಿಯ ಗೋರ್‌ನಲ್ಲಿ ಪಂಡಿತ್ ದೀನನಾಥ್ ಮಂಗೇಶ್ಕರ್ ಮತ್ತು ಅವರ ಪತ್ನಿ ಶೇವಂತಿಗೆ ಜನಿಸಿದರು. ಪಂಡಿತ್ ದೀನನಾಥ್ ಒಬ್ಬ ಶಾಸ್ತ್ರೀಯ ಗಾಯಕ ಮತ್ತು ನಟರಾಗಿದ್ದರು.

ತಂದೆಯ ಅಗಲಿಕೆ ತರುವಾಯ, ಕುಟುಂಬವು ಕೊಲ್ಹಾಪುರಕ್ಕೆ ಮತ್ತು ನಂತರ ಮುಂಬೈಗೆ ಸ್ಥಳಾಂತರಗೊಂಡಿತು, ಅಲ್ಲಿ ಭೋಂಸ್ಲೆ ಮತ್ತು ಅವರ ಅಕ್ಕ ಲತಾ ಮಂಗೇಶ್ಕರ್ ಅವರು ಚಲನಚಿತ್ರಗಳಲ್ಲಿ ಗಾಯಕರು ಮತ್ತು ನಟರಾಗಿ ವೃತ್ತಿಜೀವನವನ್ನು ಪ್ರಾರಂಭಿಸಿದರು. 1943 ರ ಹೊತ್ತಿಗೆ, ಅವರು ಮಜಾ ಬಾಲ್ ಎಂಬ ಮರಾಠಿ ಚಿತ್ರಕ್ಕಾಗಿ “ಚಲಾ ಚಲಾ ನವ್ ಬಾಲಾ” ಎಂಬ ಜನಪ್ರಿಯ ಹಾಡನ್ನು ಧ್ವನಿಮುದ್ರಣ ಮಾಡುತ್ತಿದ್ದರು.

ಗಾಯಕಿಯಾಗಿ ಭೋಂಸ್ಲೆ ಅವರು ಹಿಂದಿ ಚಲನಚಿತ್ರಗಳಲ್ಲಿ ಗಾಯಕಿಯಾಗಿ ಪಾದಾರ್ಪಣೆ ಮಾಡಿದರು, ಆದಾಗ್ಯೂ “ಅಂಧೋನ್ ಕಿ ದುನಿಯಾ” ಚಿತ್ರದಲ್ಲಿನ ಅವರ ಹಾಡುಗಳು ಅದೇ ವರ್ಷ ಚುನಾರಿಯಾಕ್ಕಿಂತ ಮೊದಲು ಬಿಡುಗಡೆಯಾದವು. ಅವರ ಮೊದಲ ಏಕವ್ಯಕ್ತಿ ಹಿಂದಿ ಚಲನಚಿತ್ರ ಗೀತೆ 1949 ರಲ್ಲಿ ರಾತ್ ಕಿ ರಾಣಿಗಾಗಿತ್ತು.