ನವದೆಹಲಿ: ಸದಾ ಒಂದಿಲ್ಲೊಂದ ವಿವಾದಾತ್ಮಕ ಹೇಳಿಕೆ ನೀಡಿ ಬಿಜೆಪಿ (BJP) ಬೆಂಬಲಿಗರ ಕೆಂಗಣ್ಣಿಗೆ ಗುರಿಯಾಗುವ ನಟ ಪ್ರಕಾಶ್ ರಾಜ್ (Prakash Raj), ಗಡಿಯಲ್ಲಿ ಉದ್ವಿಗ್ನತೆ ಸಮಯದಲ್ಲಿ ಬಿಜೆಪಿಯ ರಾಜಕೀಯ ಪ್ರೇರಿತ ಪೋಸ್ಟ್ ಒಂದರ ಕುರಿತು ಚಾಟಿ ಬೀಸಿರುವುದು ತೀವ್ರ ಚರ್ಚೆಗೆ ಕಾರಣವಾಗಿದೆ.
ಹೌದು ಬಿಜೆಪಿ ತನ್ನ ಎಕ್ಸ್ ಖಾತೆಯಲ್ಲಿ ಪಾಕ್ ವಿರುದ್ಧ ಆಪರೇಷನ್ ಸಿಂಧೂರ ಕುರಿತು ಪ್ರಧಾನಿ ಮೋದಿ ಅವರ ಕ್ರಮವನ್ನು ಕೊಂಡಾಡುವ ವಿಡಿಯೋವನ್ನು ಹಂಚಿಕೊಂಡಿರುವುದಕ್ಕೆ ಪ್ರಕಾಶ್ ರಾಜ್ ಕೆಂಡಾಮಂಡಲವಾಗಿದ್ದಾರೆ.
ಬಿಜೆಪಿ ಹಂಚಿಕೊಂಡಿರುವ ವಿಡಿಯೋಗೆ ಪ್ರತಿಕ್ರಿಯಿಸಿರುವ ಅವರು, ದೇಶವು ಬಿಕ್ಕಟ್ಟಿನ ಸಮಯದಲ್ಲಿ ಒಗ್ಗಟ್ಟಿನಿಂದ ಇರುವಾಗ, ಸೈನ್ಯ ಹೋರಾಡುತ್ತಿರುವ ಸಮಯದಲ್ಲಿ, ಗಡಿಯಲ್ಲಿ ನಾಗರಿಕರ ರಕ್ತಪಾತವಾಗುತ್ತಿರುವ ಸಂದರ್ಭದಲ್ಲಿ ಮೂರ್ಖರು ಮಾತ್ರ ಕಾರ್ಯನಿರತರಾಗಿದ್ದಾರೆ.
ಇಂತಹ ಸಂದರ್ಭದಲ್ಲಿ ಭಾರತದ ಮತಾಂಧರ ಬಿಜೆಪಿ ಪಕ್ಷ ಅತ್ಯಂತ ಕೊಳಕು ರಾಜಕೀಯ ಮಾಡುತ್ತಿದೆ. ನಿಮಗೆ ನಾಚಿಕೆಯಾಗಲ್ವಾ ಎಂದು ಬರೆದಿದ್ದಾರೆ.
ಈ ಕುರಿತಂತೆ ಯಥಾ ರೀತಿ ಬಿಜೆಪಿ ಬೆಂಬಲಿಗರು ಮುಗಿ ಬಿದ್ದರೆ, ಉಳಿದವರು ಬೆಂಬಲಿಸಿ ಸುಮಾರು 660ಕ್ಕೂ ಹೆಚ್ಚು ಕಾಮೆಂಟ್ ಗಳು ಬಂದಿವೆ.
