ದೊಡ್ಡಬಳ್ಳಾಪುರ: ರಾಜ್ಯ ಚುನಾವಣಾ ಆಯೋಗವು 2021ನೇ ಮೇ ತಿಂಗಳ ಅವಧಿ ಮುಕ್ತಾಯವಾಗಲಿರುವ ತಾಲ್ಲೂಕಿನ ಮಜರಾಹೊಸಹಳ್ಳಿ ಗ್ರಾಮ ಪಂಚಾಯಿತಿಗೆ ಮಾ.29ಕ್ಕೆ ಸಾರ್ವತ್ರಿಕ ಚುನಾವಣೆ ನಡೆಸಲು ಚುನಾವಣಾ ವೇಳಾಪಟ್ಟಿಯನ್ನು ನಿಗದಿಪಡಿಸಿದೆ.
18 ಸದಸ್ಯತ್ವ ಬಲದ ಮಜರಾಹೊಸಹಳ್ಳಿ ಗ್ರಾಮ ಪಂಚಾಯಿತಿಗೆ ಮಜರಾಹೊಸಹಳ್ಳಿ, ವೀರಾಪುರ, ತಿಪ್ಪಾಪುರ -1, ತಿಪ್ಪಾಪುರ-2, ಜಿಂಕೆಬಚ್ಚಹಳ್ಳಿ, ಹೊಸಹುಡ್ಯ ಹಾಗೂ ಚಿಕ್ಕತುಮಕೂರು ಗ್ರಾಮಗಳು ಒಳಪಡುತ್ತವೆ.
ಮೀಸಲಾತಿ ವಿವರ: ಮಜರಾಹೊಸಹಳ್ಳಿ – 3 ಕ್ಷೇತ್ರಗಳು: ಅನುಸೂಚಿತ ಮಹಿಳೆ, ಹಿಂದುಳಿದ ವರ್ಗ “ಅ”ಮಹಿಳೆ, ಸಾಮಾನ್ಯ.
ವೀರಾಪುರ – 4 ಕ್ಷೇತ್ರಗಳು: ಅನುಸೂಚಿತ ಜಾತಿ, ಸಾಮಾನ್ಯ ಮಹಿಳೆ, ಹಿಂದುಳಿದ ವರ್ಗ “ಬ”, ಸಾಮಾನ್ಯ.
ತಿಪ್ಪಾಪುರ -1 (3 ಕ್ಷೇತ್ರಗಳು): ಅನುಸೂಚಿತ ಜಾತಿ, ಸಾಮಾನ್ಯ ಮಹಿಳೆ, ಸಾಮಾನ್ಯ.
ತಿಪ್ಪಾಪುರ – 2 (2ಕ್ಷೇತ್ರಗಳು):ಅನುಸೂಚಿತ ಜಾತಿ, ಸಾಮಾನ್ಯ ಮಹಿಳೆ.
ಜಿಂಕೆಬಚ್ಚಹಳ್ಳಿ – 3ಕ್ಷೇತ್ರಗಳು: ಅನುಸೂಚಿತ ಜಾತಿ ಮಹಿಳೆ, ಹಿಂದುಳಿದ ವರ್ಗ ” ಅ” ಮಹಿಳೆ, ಸಾಮಾನ್ಯ.
ಹೊಸಹುಡ್ಯ – 1 ಕ್ಷೇತ್ರ: ಸಾಮಾನ್ಯ.
ಚಿಕ್ಕತುಮಕೂರು – 2 ಕ್ಷೇತ್ರ: ಅನುಸೂಚಿತ ಜಾತಿ ಮಹಿಳೆ, ಸಾಮಾನ್ಯ.
ಚುನಾವಣೆ ನಡೆಯುವ ಕಾರಣ ಈ ವ್ಯಾಪ್ತಿಯಲ್ಲಿ 2021ರ ಮಾ.15 ರಿಂದ ಮಾ.31ರವರೆಗೆ ನೀತಿ ಸಂಹಿತೆಯು ಜಾರಿಯಲ್ಲಿರುತ್ತದೆ.
ಚುನಾವಣಾ ವೇಳಾಪಟ್ಟಿಯಂತೆ 2021ರ ಮಾ.19ರ ಶುಕ್ರವಾರದಂದು ನಾಮಪತ್ರಗಳನ್ನು ಸಲ್ಲಿಸಲು ಕೊನೆಯ ದಿನವಾಗಿರುತ್ತದೆ. 2021ರ ಮಾ.20ರ ಶನಿವಾರದಂದು ನಾಮಪತ್ರಗಳನ್ನು ಪರಿಶೀಲಿಸಲಾಗುವುದು. 2021ರ ಮಾ.22ರ ಸೋಮವಾರದಂದು ಉಮೇದುವಾರಿಕೆಗಳನ್ನು ಹಿಂತೆಗೆದುಕೊಳ್ಳಲು ಕೊನೆಯ ದಿನವಾಗಿದೆ. 2021ರ ಮಾ.29ರ ಸೋಮವಾರದಂದು ಮತದಾನ ಅವಶ್ಯವಿದ್ದರೆ ಬೆಳಿಗ್ಗೆ 7:00 ಗಂಟೆಯಿಂದ ಸಂಜೆ 5:00 ಗಂಟೆಯವರೆಗೆ ಮತದಾನ ನಡೆಯಲಿದೆ. 2021ರ ಮಾ.30ರ ಮಂಗಳವಾರದಂದು ಮರು ಮತದಾನ ಅವಶ್ಯವಿದ್ದರೆ, ಬೆಳಿಗ್ಗೆ 7:00 ಗಂಟೆಯಿಂದ ಸಂಜೆ 5:00 ಗಂಟೆಯವರೆಗೆ ಮರುಮತದಾನ ನಡೆಯಲಿದೆ.
2021ರ ಮಾ.31ರ ಬುಧವಾರದಂದು ತಾಲ್ಲೂಕು ಕೇಂದ್ರಗಳಲ್ಲಿ ಬೆಳಿಗ್ಗೆ 8:00 ಗಂಟೆಯಿಂದ ಮತಗಳ ಏಣಿಕೆ ನಡೆಯಲಿದ್ದು, ಮಾರ್ಚ್ 31ರಂದು ಚುನಾವಣಾ ನೀತಿ ಸಂಹಿತೆಯು ಮುಕ್ತಾಯಗೊಳ್ಳಲಿದೆ ಎಂದು ಬೆಂಗಳೂರು ಗ್ರಾಮಾಂತರ ಜಿಲ್ಲಾಧಿಕಾರಿ ಹಾಗೂ ಜಿಲ್ಲಾ ಚುನಾವಣಾಧಿಕಾರಿ ಕೆ.ಶ್ರೀನಿವಾಸ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಕ್ಷಣ ಕ್ಷಣದ ಮಾಹಿತಿಗಾಗಿ ಹರಿತಲೇಖನಿ ಫೇಸ್ಬುಕ್ ಪುಟ, ಕೂ ಹಾಗೂ ಟ್ವಿಟರ್ ಫಾಲೋ ಮಾಡಿ. ಟೆಲಿಗ್ರಾಂ ಗುಂಪಿಗೆ ಸೇರಿ ನಮ್ಮೊಂದಿಗೆ ಜೊತೆಯಾಗಿ. ಮಾಹಿತಿ ಇಷ್ಟವಾಗಿದ್ದರೆ ಮತ್ತಷ್ಟು ಜನರಿಗೆ ತಲುಪಿಸಲು ಶೇರ್ ಮಾಡಿ…
