ದೊಡ್ಡಬಳ್ಳಾಪುರ: ಜುಬಿಲಂಟ್ ಭರ್ತಿಯಾ ಫೌಂಡೇಷನ್ REC ಲಿಮಿಟೆಡ್ ವತಿಯಿಂದ ತನ್ನ CSR ಅನುದಾನದಲ್ಲಿ ಸಂಚಾರಿ ವೈದ್ಯಕೀಯ ಘಟಕದ (Mobile medical unit) ಮೂಲಕ ಪ್ರಾಥಮಿಕ ಆರೋಗ್ಯ ಸೇವೆಗಳನ್ನು ಒದಗಿಸುವ ಸಮುದಾಯ ಆರೋಗ್ಯ ಕಾರ್ಯಕ್ರಮಕ್ಕೆ ಇಂದು ಚಾಲನೆ ನೀಡಲಾಗಿದೆ.
ದೊಡ್ಡಬಳ್ಳಾಪುರದ ತಾಯಿ ಮಗು ಆಸ್ಪತ್ರೆ ಆವರಣದಲ್ಲಿ ಮೊಬೈಲ್ ಆರೋಗ್ಯ ವ್ಯಾನ್‌ಗಳ ಮೂಲಕ ಪ್ರಾಥಮಿಕ ಆರೋಗ್ಯ ಸೇವೆಗಳನ್ನು ಒದಗಿಸುವ ಸಮುದಾಯ ಆರೋಗ್ಯ ಕಾರ್ಯಕ್ರಮವನ್ನು ಡಾ.ವಿಜಯ ಅವರು ಚಾಲನೆ ನೀಡಿದರು.
ಈ ಕಾರ್ಯಕ್ರಮ ಈಗಾಗಲೇ ಮೈಸೂರು ಜಿಲ್ಲೆ ನಂಜನಗೂಡು ಚಾಲನೆಯಲ್ಲಿದ್ದು, ಪ್ರತಿ ವ್ಯಾನ್‌ನಲ್ಲಿ ಒಬ್ಬ ಎಂಬಿಬಿಎಸ್ ವೈದ್ಯ, ಔಷಧಿಕಾರ ಕಮ್ ಪ್ಯಾರಾಮೆಡಿಕಲ್‌ ವೃತ್ತಿಪರರು ಮತ್ತು ಚಾಲಕ ಸಿಬ್ಬಂದಿಯನ್ನು ಹೊಂದಿರಲಿದೆ.
ಗುಣಮಟ್ಟದ ವೈದ್ಯಕೀಯ ಆರೈಕೆಯು ಗ್ರಾಮೀಣ ಮಟ್ಟಕ್ಕೆ ತಲುಪುವುದನ್ನು ಯೋಜನೆಯ ಉದ್ದೇಶವಾಗಿದೆ.
ಬೆಂಗಳೂರು ಗ್ರಾಮಾಂತರ ಜಿಲ್ಲೆಯಾದ್ಯಂತ ಮಹಿಳೆಯರು, ಮಕ್ಕಳು, ವೃದ್ಧರು ಮತ್ತು ಇತರ ಹಿಂದುಳಿದ ಸಮುದಾಯಗಳಿಗೆ ಉಚಿತ ಆರೋಗ್ಯ ಒದಗಿಸಲಿದೆ.
ಈ ವೇಳೆ ಜೆಎಫ್‌ಎಲ್‌ನ ಮುಖ್ಯಸ್ಥರಾದ ದೀಪಕ್, ರಘುರಾಮಗ ವರ್ಕಳ, ಸಿಎಸ್‌ಆರ್ ಯೋಜನೆಯ ಮುಖ್ಯಸ್ಥ ಮನು, ಆಸ್ಪತ್ರೆಯ ಆಡಳಿತಾಧಿಕಾರಿ ಡಾ.ರಮೇಶ, ವೈದ್ಯರಾದ ಡಾ.ರಾಜು, ಡಾ. ಮಂಜುನಾಥ್, ಡಾ.ನಿರಂಜನ್ ಮತ್ತಿತರರಿದ್ದರು.
