ದೊಡ್ಡಬಳ್ಳಾಪುರ: ಎರಡನೇ ಹಂತದ ಸಾರ್ವತ್ರಿಕ ಚುನಾವಣೆಯಲ್ಲಿ ಮತದಾನ ಅಂತ್ಯಕ್ಕೆ ಕ್ಷಣಗಣನೆ ಆರಂಭವಾಗುತ್ತಿದ್ದಂತೆ ಮತದಾನ ಪ್ರಮಾಣ ಏರಿಕೆಯಾಗಿದ್ದು ಸಂಜೆ 5ಗಂಟೆ ಅವಧಿಗೆ ತಾಲೂಕಿನಲ್ಲಿ ಶೇ.91.50ರಷ್ಟು ಮತದಾನ ನಡೆದಿದೆ.
ಚುನಾವಣೆಯಲ್ಲಿ ಮೊದಲ ಸಲ ಮತದಾನ ಮಾಡುತ್ತಿರುವ ಯುವ ಸಮುದಾಯ ಉತ್ಸಾಹದಿಂದ ಮತ ಚಲಾಯಿಸಿದರೆ, ವೃದ್ದರು ಇದೇ ನಮ್ಮ ಕೊನೆಯ ಮತದಾನ ಎಂಬಂತೆ ಪಟ್ಟು ಹಿಡಿದು ಸಹಾಯಕರನ್ನು ಕರೆತಂದು ಮತದಾನ ನಡೆಸಿದ್ದು ಹಲವೆಡೆ ಕಂಡುಬಂತು.
ಸಾಸಲು ಮತಗಟ್ಟೆಯಲ್ಲಿ 92 ವರ್ಷದ ಸಿದ್ದಮ್ಮ ಎನ್ನುವವರು ಅನಾರೋಗ್ಯಕ್ಕೀಡಾಗಿದ್ದು, ಇದು ನನ್ನ ಕೊನೆಯ ಚುನಾವಣೆ. ಇಂದು ನಾ ಮತದಾನ ಮಾಡಲೇ ಬೇಕೆಂದು ಹಠ ತೊಟ್ಟು ಸಂಬಂಧಿಕರ ನೆರವಿನೊಂದಿಗೆ ವೀಲ್ ಚೇರ್ ನಲ್ಲಿ ಮತಗಟ್ಟೆ ಬಂದು ಮತಚಲಾಯಿಸುವ ಮೂಲಕ ಮತದಾನದ ದಿನ ರಜೆ ಸಿಕ್ಕಿತೆಂದು ಮತದಾನ ಮಾಡದೆ ಜಾಲಿಟ್ರಿಪ್ ತೆರಳುವವರಿಗೆ ಉತ್ತರ ನೀಡಿದ್ದಾರೆ.
ಇನ್ನು ಬೆಂಗಳೂರು ಗ್ರಾಮಾಂತರ ಜಿಲ್ಲೆಯಲ್ಲಿ ನಡೆದ ಎರಡನೇ ಸುತ್ತಿನ ಗ್ರಾಪಂ ಚುನಾವಣೆಯಲ್ಲಿ ಸಂಜೆ 5.00 ಗಂಟೆಯವರೆಗೆ ದೊಡ್ಡಬಳ್ಳಾಪುರ ತಾಲೂಕಿನಲ್ಲಿ ಶೇ.91.50, ದೇವನಹಳ್ಳಿಯಲ್ಲಿ ಶೇ.92.22ರಷ್ಟು ಮತದಾನವಾಗಿದೆ.
ಕ್ಷಣ ಕ್ಷಣದ ಮಾಹಿತಿಗಾಗಿ ಹರಿತಲೇಖನಿ ಫೇಸ್ಬುಕ್ ಪುಟ ಹಾಗೂ ಟ್ವಿಟರ್ ಫಾಲೋ ಮಾಡಿ
