ಪುನೀತ್ ರಾಜ್ ಕುಮಾರ್ ನೆನಪಿನಾರ್ಥಕವಾಗಿ ಕ್ಷಯರೋಗಿಗಳ ದತ್ತು ಪಡೆದ ರಾಜಕಾರಣಿ..!!!

ಚಿಕ್ಕಬಳ್ಳಾಪುರ: ನಟ ಪುನೀತ್ ರಾಜ್‍ಕುಮಾರ್ ಅಭಿನಯದ ಗಂಧದಗುಡಿ ಸಿನಿಮಾ ಇಂದು ತೆರೆಕಂಡಿದ್ದು, ಅಪ್ಪು ಅಭಿಮಾನಿಗಳಲ್ಲಿ ಸಂಭ್ರಮ ಮನೆ ಮಾಡಿದೆ. 

ಇಡೀ ರಾಜ್ಯ ಸೇರಿ ವಿಶ್ವಾದ್ಯಾಂತ ಗಂಧದಗುಡಿ ಸಿನಿಮಾ ಭರ್ಜರಿ ಪ್ರದರ್ಶನ ಕಾಣುತ್ತಿದೆ. ಇನ್ನೂ ಅಪ್ಪುವಿನ ಸಮಾಜಮುಖಿ ಕಾಯಕಗಳು ಎಂದಿಗೂ ಎಲ್ಲರಿಗೂ ಅದರ್ಶಪ್ರಾಯವೇ ಸರಿ.

ಹಾಗಾಗಿ ಗಂಧದಗುಡಿ ಸಿನಿಮಾ ರಿಲೀಸ್ ಹಾಗೂ ಅಪ್ಪುಪುಣ್ಯಸ್ಮರಣೆಯ ಅಂಗವಾಗಿ ಚಿಕ್ಕಬಳ್ಳಾಪುರ ಜಿಲ್ಲೆಯ ಬಾಗೇಪಲ್ಲಿ ವಿಧಾನಸಭಾ ಕ್ಷೇತ್ರದ ಸಮಾಜಸವೇಕ-ರಾಜಕಾರಣಿ ಮಿಥುನ್ ರೆಡ್ಡಿ ಎಂ ಆರ್ ಸ್ವಾಭಿಮಾನಿ ಫೌಂಡೇಶನ್ ನೇತೃತ್ವದಲ್ಲಿ ಕ್ಷಯರೋಗಿಗಳನ್ನ ದತ್ತು ಪಡೆದುಕೊಂಡು ಮಾದರಿಯಾಗಿದ್ದಾರೆ.

ಗುಡಿಬಂಡೆ ತಾಲ್ಲೂಕಿನ 53 ಕ್ಷಯರೋಗಿಗಳನ್ನ ದತ್ತು ಪಡೆದ ಮಿಥುನ್ ರೆಡ್ಡಿ, ಕ್ಷಯರೋಗಿಗಳ ಪಾಲಿಗೆ ಅಕ್ಷಯ ವಾಗಲಿರುವ ಪೌಷ್ಟಿಕಾಹಾದರ ಕಿಟ್ ಗಳನ್ನ ವಿತರಣೆ ಮಾಡಿದರು‌.

ತಾಲೂಕು ಅರೋಗ್ಯ ಇಲಾಖೆಯ ಮಾಹಿತಿ ಪ್ರಕಾರ ಗುಡಿಬಂಡೆ ತಾಲ್ಲೂಕಿನಲ್ಲಿರುವ 52 ಮಂದಿಯನ್ನ ದತ್ತು ಪಡೆದು ಅವರಿಗೆ ಪ್ರತಿ ತಿಂಗಳು ಪೌಷ್ಟಿಕಾಹಾರದ ಕಿಟ್ ನೀಡುವುದುರ ಮುಖಾಂತರ ಕ್ಷಯರೋಗವನ್ನ ದೂರ ಮಾಡುವತ್ತ ಸಹಾಯ ಮಾಡುವುದರ ಜೊತೆಗೆ ಅವರ ಸಂಪೂರ್ಣ ಆರೋಗ್ಯ ದ ಜವಾಬ್ದಾರಿ ಯನ್ನ ವಹಿಸಿಕೊಳ್ಳುವುದಾಗಿ ಮಿಥುನ್ ರೆಡ್ಡಿ ತಿಳಿಸಿದ್ದಾರೆ.

ಇನ್ನೂ ಕೇವಲ ಗುಡಿಬಂಡೆ ಮಾತ್ರ ಅಷ್ಟೇ ಅಲ್ಲದೆ ನೆರೆಯ ಬಾಗೇಪಲ್ಲಿ ಚೇಳೂರು ತಾಲೂಕಿನ 127 ಕ್ಷಯರೋಗಿಗಳನ್ನ ಸಹ ದತ್ತು ಪಡೆಯುವ ತೀರ್ಮಾನ ಮಾಡಿ ಅವರಿಗೂ ಪ್ರತಿ ತಿಂಗಳು ಕಿಟ್ ವಿತರಣೆ ಮಾಡುವುದಾಗಿ ತಿಳಿಸಿದ್ದಾರೆ.

ಗುಡಿಬಂಡೆ ತಾಲೂಕು ಸಾರ್ವಜನಿಕ ಆಸ್ಪತ್ರೆಯ ಆವರಣದಲ್ಲಿ ತಾಲೂಕು ಆರೋಗ್ಯಾಧಿಕಾರಿ ನೇತೃತ್ವದಲ್ಲಿ 53 ಮಂದಿ ಕ್ಷಯರೋಗಿಗಳಿಗೆ ಪೌಷ್ಟಿಕಾಹಾರದ ಕಿಟ್ ವಿತರಣೆ ಮಾಡಲಾಯಿತು.

ಕಿಟ್ ನಲ್ಲಿ‌ ಕ್ಷಯರೋಗಿಗಳಿಗೆ ಅತ್ಯವಶ್ಯಕವಾದ ಆಹಾರ ಪದಾರ್ಥಗಳು, ಪ್ರೋಟಿನ್ ಪೌಡರ್ ಹಾಗೂ ಒಂದು ತಿಂಗಳಿಗೆ ಆಗುವಷ್ಟು ಮೊಟ್ಟೆಗಳು ಇರಲಿವೆ.

ಪುನೀತ್ ರಾಜ್‍ಕುಮಾರ್ ಸ್ಮರಣಾರ್ಥವಕವಾಗಿ ಮಿಥುನ್ ರೆಡ್ಡಿ ಮಾದರಿ ಕಾಯಕ ಮಾಡಿದ್ದು ಕ್ಷಯರೋಗಿಗಳ ಪಾಲಿಗೆ ವರದಾನವಾಗಿದೆ.

ತಾಲೂಕು ಆರೋಗ್ಯಾಧಿಕಾರಿ ನರಸಿಂಹಮೂರ್ತಿ ಸಹ ಮಿಥುನ್ ರೆಡ್ಡಿ ಯ ದತ್ತು ಕಾಯಕವನ್ನ ಶ್ಲಾಘಿಸಿದ್ದು, ಕ್ಷಯರೋಗಿಗಳ ಪಾಲಿಗೆ ಪೌಷ್ಟಿಕಾಹಾರ ಅತ್ಯವಶ್ಯಕ. ಕ್ಷಯರೋಗಿಗಗೆ ಜೀರ್ಣಕ್ರಿಯೆ ಸರಿಯಾಗದೆ ಅಗದೆ ಅಗತ್ಯ ಪೋಷಕಾಂಶಗಳು ಸಿಗುವುದಿಲ್ಲ. ಹೀಗಾಗಿ ಅಂತಹವರಿಗೆ ಪೌಷ್ಟಿಕಾಹಾರದ ಪದಾರ್ಥಗಳನ್ನ ನೀಡಿದರೆ ಅವರು ಅದಷ್ಟು ಬೇಗ ಗುಣಮುಖರಾಗುತ್ತಾರೆ‌.

ಕ್ಷಯರೋಗಿಗಳನ್ನ ಒಬ್ಬೊಬ್ಬ ವೈದ್ಯರು ಒಬ್ಬಬ್ಬರನ್ನ ದತ್ತು ಪಡೆಯಲು ವೈದ್ಯರು ತೀರ್ಮಾನ‌ ಮಾಡಿದ್ದೀವಿ ಆದರೆ ಈಗ ಮಿಥುನ್ ರೆಡ್ಡಿ ಮುಂದೆ ಬಂದು ಪುನೀತ್ ರಾಜ್ ಕುಮಾರ್ ಹೆಸರಲ್ಲಿ ಈ ಕಾಯಕ ಮಾಡಿದ್ದು ಉತ್ತಮ‌ ಕಾಯಕ ಅಂತ ಮೆಚ್ಚುಗೆ ವ್ಯಕ್ತಪಡಿಸಿದರು.

ಮಾಹಿತಿ ಇಷ್ಟವಾಗಿದ್ದರೆ ಶೇರ್ ಮಾಡಿ: ಕ್ಷಣ ಕ್ಷಣದ ಮಾಹಿತಿಗಾಗಿ ಹರಿತಲೇಖನಿ Facebook, Koo, Dailyhunt ಮೂಲಕ ಫಾಲೋ ಮಾಡಿ. Whatsup, Telegram ಗುಂಪಿಗೆ ಸೇರಿ ನಮ್ಮೊಂದಿಗೆ ಜೊತೆಯಾಗಿ….