ನವದೆಹಲಿ, (ಅ.12): ದೇಶದಲ್ಲಿ ‘ವಂದೇ ಭಾರತ್’ ಎಕ್ ಪ್ರೆಸ್ ರೈಲುಗಳು ಯಶಸ್ವಿಯಾದ ಬೆನ್ನಲ್ಲೇ, ಅತ್ಯಾಧುನಿಕ ಸವಲತ್ತು ಹೊಂದಿರುವ ‘ವಂದೇ ಭಾರತ್ ಸ್ಟೀಪರ್’ ಮತ್ತು ‘ವಂದೇ ಭಾರತ್ ಮೆಟ್ರೋ’ ರೈಲುಗಳನ್ನು ಬಿಡುಗಡೆ ಮಾಡುವುದಾಗಿ ರೈಲ್ವೆ ಹೇಳಿತ್ತು. ಅದರ ಬೆನ್ನಲ್ಲೇ ಇದೀಗ ಜನಸಾಮಾನ್ಯರಿಗೆ ಉತ್ತಮ ಸವಲತ್ತು ಹೊಂದಿರುವ ಆದರೆ ಅಗ್ಗದ ದರದ ‘ವಂದೇ ಸಾಧಾರಣ್’ ಎಂಬ ರೈಲನ್ನೂ ಕೂಡ ಭಾರತೀಯ ರೈಲ್ವೆ ಸಿದ್ಧಪಡಿಸುತ್ತಿರುವ ವಿಷಯ ಬೆಳಕಿಗೆ ಬಂದಿದೆ.
ಈ ಕುರಿತಂತೆ ಕೇಂದ್ರ ರೈಲ್ವೆ ಸಚಿವ ಅಶ್ವಿನ್ ವೈಷ್ಣವ್ ಅವರು ತಮ್ಮ ವಾಟ್ಸಪ್ ಚಾನಲ್ನಲ್ಲಿ ಇದರ ಒಂದು ಪೋಟೋ ಹಂಚಿಕೊಂಡಿದ್ದಾರೆ. ನವೀಕರಿಸಿದ ಎರಡನೇ ದರ್ಜೆಯ 3-ಶ್ರೇಣಿಯ ಸ್ಲೀಪರ್ ಕೋಚ್‌ಗಳು ಮತ್ತು ಎರಡನೇ ದರ್ಜೆಯ ಕಾಯ್ದಿರಿಸುವ ಕೋಚ್‌ಗಳನ್ನು ಒಳಗೊಂಡಿರುವ ಹೊಸ ರೈಲನ್ನು ಚೆನ್ನೈನ ಇಂಟೆಗ್ರಲ್ ಕೋಚ್ ಫ್ಯಾಕ್ಟರಿಯಲ್ಲಿ ತಯಾರಿಸಲಾಗುತ್ತಿದೆ ಎನ್ನಲಾಗಿದೆ.
ಹೊಸ ರೈಲಿನ ಹೆಸರನ್ನು (22 ಕೋಚ್‌ಗಳನ್ನು ಒಳಗೊಂಡಿದೆ) ಇನ್ನೂ ನಿರ್ಧರಿಸಲಾಗಿಲ್ಲ, ಇದು ವಂದೇ ಭಾರತ್ ಎಕ್ಸ್‌ಪ್ರೆಸ್‌ನ ಕೆಲವು ವೈಶಿಷ್ಟ್ಯಗಳನ್ನು ಹೊಂದಿರುವ ಸಾಧ್ಯತೆಗಳು ಇದೆ ಎಂದು ಹೇಳಲಾಗಿದೆ.
ರೈಲ್ವೆ ಸಚಿವ ಅಶ್ವಿನ್ ವೈಷ್ಣವ್ ಅವರು ಈ ಬಗ್ಗೆ Xನಲ್ಲಿ (ಟ್ವಿಟರ್) ಮಾಹಿತಿ ಹಂಚಿಕೊಂಡಿದ್ದಾರೆ. ಇನ್ನು ಮುಂದೆ ರೈಲಿನಲ್ಲಿ ಎಣ್ಣೆಯುಕ್ತ ಮತ್ತು ಪವರ್ ಜನರೇಟರ್ ಕೋಚ್‌ಗಳ ಅಗತ್ಯವಿಲ್ಲ, ರೈಲಿನ ಎರಡೂ ಬದಿಗಳಲ್ಲಿ (ಮುಂಭಾಗ ಮತ್ತು ಹಿಂಭಾಗ) ಪುಶ್-ಪುಲ್ ವಿಧಾನ ಹೊಂದಿರುವ ಕೋಚ್‌ಗಳನ್ನು ಅಳವಡಿಸಲಾಗುವುದು ಎಂದಿದ್ದಾರೆ.
ಮಾಹಿತಿ ಇಷ್ಟವಾಗಿದ್ದರೆ ಶೇರ್ ಮಾಡಿ: ಕ್ಷಣ ಕ್ಷಣದ ಮಾಹಿತಿಗಾಗಿ ಹರಿತಲೇಖನಿ Facebook, Koo, Dailyhunt ಮೂಲಕ ಫಾಲೋ ಮಾಡಿ. Whatsup, Telegram ಗುಂಪಿಗೆ ಸೇರಿ ನಮ್ಮೊಂದಿಗೆ ಜೊತೆಯಾಗಿ….
