ಬೆಂಗಳೂರು: ಗ್ರಾಮ ಪಂಚಾಯಿತಿ ಸಾರ್ವತ್ರಿಕ ಚುನಾವಣೆ ಹಿನ್ನೆಲೆ, ಎರಡನೇ ಹಂತದ ಗ್ರಾಮ ಪಂಚಾಯಿತಿಯ ಚುನಾವಣೆಯು ಡಿಸೆಂಬರ್ 27 ರಂದು ದೊಡ್ಡಬಳ್ಳಾಪುರ ಹಾಗೂ ದೇವನಹಳ್ಳಿ ತಾಲ್ಲೂಕಿನಲ್ಲಿ ಒಟ್ಟು 45 ಗ್ರಾಮ ಪಂಚಾಯಿತಿಗಳಿಗೆ ಚುನಾವಣೆ ನಡೆದಿದ್ದು, ಎರಡೂ ತಾಲ್ಲೂಕುಗಳಿಂದ ಗುರುತಿಸಲಾದ ಒಟ್ಟು 409 ಮತಗಟ್ಟೆಗಳ ಪೈಕಿ 396 ಮತಗಟ್ಟೆಗಳಲ್ಲಿ ಮತದಾನ ನಡೆಯಿತು.
ಎರಡು ತಾಲ್ಲೂಕುಗಳಿಂದ 118930 ಪುರುಷ ಮತದಾರರಲ್ಲಿ 111018 ಪುರುಷರು ಮತದಾರರು, 118137 ಮಹಿಳಾ ಮತದಾರರರಲ್ಲಿ 107776 ಮಹಿಳಾ ಮತದಾರರು ಹಾಗೂ 04 ಇತರೆ ವರ್ಗದ ಮತದಾರರು ಮತಚಲಾಯಿಸಿರುವುದಿಲ್ಲ. ಒಟ್ಟು 237071 ಮತದಾರರಲ್ಲಿ 218794 ಮತದಾರರು ಮತದಾನ ಮಾಡಿದ್ದಾರೆ ಅಂದರೆ ಶೇ.92.29 ರಷ್ಟು ಮತದಾನ ನಡೆದಿದೆ.
ದೊಡ್ಡಬಳ್ಳಾಪುರ ತಾಲ್ಲೂಕಿನ 25 ಗ್ರಾಮ ಪಂಚಾಯಿತಿಗಳಿಂದ ಗುರುತಿಸಲಾದ ಒಟ್ಟು 239 ಮತಗಟ್ಟೆಗಳ ಪೈಕಿ 233 ಮತಗಟ್ಟೆಗಳಲ್ಲಿ ಮತದಾನ ನಡೆಯಿತು. 69743 ಪುರುಷ ಮತದಾರರರಲ್ಲಿ 64685 ಪುರುಷ ಮತದಾರರು, 69325 ಮಹಿಳಾ ಮತದಾರರಲ್ಲಿ 62727 ಮಹಿಳಾ ಮತದಾರರು ಒಟ್ಟು 139068 ಮತದಾರರಲ್ಲಿ 127412 ಮತದಾರರು ಮತದಾನ ಮಾಡಿದ್ದಾರೆ ಅಂದರೆ ಶೇ.91.62 ರಷ್ಟು ಮತದಾನ ನಡೆದಿದೆ.
ದೇವನಹಳ್ಳಿ ತಾಲ್ಲೂಕಿನ 20 ಗ್ರಾಮ ಪಂಚಾಯಿತಿಗಳಿಂದ ಗುರುತಿಸಲಾದ ಒಟ್ಟು 170 ಮತಗಟ್ಟೆಗಳ ಪೈಕಿ 163 ಮತಗಟ್ಟೆಗಳಲ್ಲಿ ಮತದಾನ ನಡೆಯಿತು. 49187 ಪುರುಷ ಮತದಾರರಲ್ಲಿ 46333 ಪುರುಷ ಮತದಾರರು, 48812 ಮಹಿಳಾ ಮತದಾರರಲ್ಲಿ 45049 ಮಹಿಳಾ ಮತದಾರರು ಹಾಗೂ 04 ಇತರೆ ವರ್ಗದ ಮತದಾರರು ಮತಚಲಾಯಿಸಿರುವುದಿಲ್ಲ. ಒಟ್ಟು 98003 ಮತದಾರರಲ್ಲಿ 91382 ಮತದಾರರು ಮತದಾನ ಮಾಡಿದ್ದಾರೆ ಅಂದರೆ ಶೇ.93.24 ರಷ್ಟು ಮತದಾನ ನಡೆದಿದೆ.
ಕಳೆದ ವಿಧಾನಸಭಾ ಚುನಾವಣೆ, ಲೋಕಸಭಾ ಚುನಾವಣೆ, ವಿಧಾನಸಭಾ ಉಪ ಚುನಾವಣೆ ಹಾಗೂ ವಿಧಾನ ಪರಿಷತ್ ಚುನಾವಣೆಗಳಲ್ಲಿ ರಾಜ್ಯದಲ್ಲೇ ಅತಿಹೆಚ್ಚು ಮತದಾನ ಬೆಂಗಳೂರು ಗ್ರಾಮಾಂತರ ಜಿಲ್ಲೆಯಲ್ಲಿ ದಾಖಲಾಗಿದೆ ಎಂದು ಬೆಂಗಳೂರು ಗ್ರಾಮಾಂತರ ಜಿಲ್ಲಾಧಿಕಾರಿ ಹಾಗೂ ಜಿಲ್ಲಾ ಚುನಾವಣಾಧಿಕಾರಿ ಪಿ.ಎನ್.ರವೀಂದ್ರ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಕ್ಷಣ ಕ್ಷಣದ ಮಾಹಿತಿಗಾಗಿ ಹರಿತಲೇಖನಿ ಫೇಸ್ಬುಕ್ ಪುಟ ಹಾಗೂ ಟ್ವಿಟರ್ ಫಾಲೋ ಮಾಡಿ
