ದೊಡ್ಡಬಳ್ಳಾಪುರ; ತಾಲೂಕಿನ ಪ್ರತಿಷ್ಠಿತ ಎಂ.ಎಸ್.ವಿ. ಪಬ್ಲಿಕ್ ಶಾಲೆಯಲ್ಲಿ (MSV School), ಶಾಲಾ ಮಕ್ಕಳಿಗೆ ಬೇಸಿಗೆ ಕ್ರೀಡಾ ಶಿಬಿರವನ್ನು ಏ.02 ರಿಂದ 22 ರವರೆಗೆ ಹಮ್ಮಿಕೊಳ್ಳಲಾಗಿತ್ತು.
ಮಕ್ಕಳಲ್ಲಿರುವ ಕೀಡಾಸಕ್ತಿಯನ್ನು ಉತ್ತೇಜಿಸುವ ಚಟುವಟಿಕೆಗಳನ್ನು ಶಾಲಾ ಆಡಳಿತ ಮಂಡಳಿ ಈ ಬೇಸಿಗೆ ಶಿಬಿರವನ್ನು ಆಯೋಜಿಸಿತ್ತು.
ಶಿಬಿರದಲ್ಲಿ ಮಕ್ಕಳ ದೈಹಿಕ ಆರೋಗ್ಯಕ್ಕೆ ಸಹಾಯಕಾರಿಯಾಗುವ ವಾಲಿಬಾಲ್, ಖೋ-ಖೋ, ಕಬಡ್ಡಿ, ಫುಟ್ ಬಾಲ್ ಗಳ ಅಭ್ಯಾಸ ಮಾಡಿಸಲಾಯಿತು.
ಅಲ್ಲದೆ ಮನರಂಜನಾಸಹಿತ ಕ್ರೀಡಾ ಚಟುವಟಿಕೆಗಳಾದ ಏರೊಬಿಕ್ಸ್, ಜುಂಬಾ ಡ್ಯಾನ್ಸ್ ಶಿಬಿರದ ಭಾಗವಾಗಿತ್ತು.
ಶಾಲಾ ಸಂಸ್ಥಾಪಕ ಎ ಸುಬ್ರಮಣ್ಯ ಅವರು ಶಿಬಿರದಲ್ಲಿ ಪಾಲ್ಗೊಂಡ ಮಕ್ಕಳಿಗೆ ಪ್ರಮಾಣ ಪತ್ರಗಳನ್ನು ವಿತರಿಸಿದರು.
ಈ ವೇಳೆ ಮಾತನಾಡಿದ ಅವರು, “ಮಗುವಿನ ಬೆಳವಣಿಗೆಗೆ ಮಾನಸಿಕ ಸ್ವಾಸ್ಥ್ಯದ ಜೊತೆಗೆ ದೈಹಿಕ ಚಟುವಟಿಕೆ ಸಹಾ ಬಹಳ ಮುಖ್ಯ. ಕ್ರೀಡಾ ಶಿಬಿರಗಳು ಟೀಂ ವರ್ಕ್, ಶಿಸ್ತು ಮತ್ತು ದೈಹಿಕ ಸಾಮಥ್ಯವನ್ನು ಪ್ರೋತ್ಸಾಹಿಸುತ್ತವೆ.
ಆರೋಗ್ಯಕರ ದೇಹದಲ್ಲಿ ಆರೋಗ್ಯಕರ ಮನಸ್ಸಿರುತ್ತದೆ. ಮಕ್ಕಳಲ್ಲಿ ಸಮನ್ವಯ ಹಾಗೂ ಆತ್ಮ ವಿಶ್ವಾಸವನ್ನು ಬೆಳೆಸಲು ಇಂತಹ ಬೇಸಿಗೆ ಶಿಬಿರಗಳು ಸಹಾಯಕಾರಿಯಾಗಿವೆ ಎಂದರು.
ದೈಹಿಕ ಶಿಕ್ಷಕರಾದ ಯತೀಶ್ ಡಿ ನಾಯಕ್, ಸುಮ, ಮಂಜುನಾಥ್ ರವರ ನೇತೃತ್ವದಲ್ಲಿ ಈ ಶಿಬಿರವನ್ನು ಆಯೋಜಿಸಲಾಗಿತ್ತು.
