ದೊಡ್ಡಬಳ್ಳಾಪುರ: ರಘುರಾಮ್‌ರಂತೆ ಅವಧಿ ಪೂರ್ಣಗೊಳಿಸದ ಭಾಸ್ಕರ್ ಅಕಾಲಿಕ ಸಾವು..!

ದೊಡ್ಡಬಳ್ಳಾಪುರ: ಹೇಮಾವತಿ ಪೇಟೆಯ ನಗರಸಭೆ ಸದಸ್ಯ ಭಾಸ್ಕರ್ (Bhaskar) ಅವರು ಅನಾರೋಗ್ಯದ ಕಾರಣ ನಿಧನರಾಗಿದ್ದಾರೆ‌. ( ಅವರಿಗೆ 55 ವರ್ಷ ವಯಸ್ಸಾಗಿತ್ತು).

ತೀವ್ರ ಅನಾರೋಗ್ಯದ ಕಾರಣ ಬೆಂಗಳೂರಿನ ಖಾಸಗಿ ಆಸ್ಪತ್ರೆಗೆ ದಾಖಲಾಗಿದ್ದ ಭಾಸ್ಕರ್ ಅವರು, ಚಿಕಿತ್ಸೆ ಫಲಕಾರಿಯಾಗದೆ ಇಂದು (ಸೋಮವಾರ) ಬೆಳ್ಳಗ್ಗಿನ ಜಾವ ಮೃತಪಟ್ಟಿದ್ದಾರೆ.

ಮೃತರು ಮಡದಿ ಮತ್ತು ಓರ್ವ ಮಗನನ್ನು ಅಗಲಿದ್ದಾರೆ.

ಅಂತಿಮ ದರ್ಶನಕ್ಕೆ ಇಂದು ಬೆಳಗ್ಗೆ 11 ಗಂಟೆ ಬಳಿಕ ಹೇಮಾವತಿ ಪೇಟೆಯ ಸ್ವಗೃಹದ ಬಳಿ ಅವಕಾಶ ಕಲ್ಪಿಸು ಸಿದ್ದತೆ ನಡೆಸಲಾಗುತ್ತಿದೆ.

ಅಂತ್ಯಕ್ರಿಯೆ ಮುಕ್ತಿಧಾಮದಲ್ಲಿ ನಡೆಯಲಿದ್ದು, ಸಮಯ ನಿಗದಿಯಾಗಿಲ್ಲವೆಂದು ಕುಟುಂಬದ ಮೂಲಗಳು ತಿಳಿಸಿವೆ.

ಕರ್ನಾಟಕ ಛಾಯಾಗ್ರಾಹಕರ ಸಂಘದ ಮಾಜಿ ನಿರ್ದೇಶಕರಾಗಿ, ದೊಡ್ಡಬಳ್ಳಾಪುರ ಫೋಟೋ ಮತ್ತು ವಿಡಿಯೋ ಛಾಯಾಗ್ರಾಹಕರ ಸಂಘದ ಮಾಜಿ ಅಧ್ಯಕ್ಷರಾಗಿದ್ದ ಭಾಸ್ಕರ್ ಅವರು ದೊಡ್ಡಬಳ್ಳಾಪುರ ನಗರಸಭೆಗೆ ಎರಡನೇ ಭಾರಿಗೆ ಸದಸ್ಯರಾಗಿ ಆಯ್ಕೆಯಾಗಿದ್ದರು‌.

ಅವಧಿ ಪೂರ್ಣಗೊಳಿಸದ ಭಾಸ್ಕರ್

ಹೇಮಾವತಿ ಪೇಟೆಯ ನಗರಸಭೆ ಸದಸ್ಯರಾಗಿದ್ದ ಕೆ.ಜಿ.ರಘುರಾಮ್ (ತಿಮ್ಮಣ್ಣ) ಅವರ ಅಕಾಲಿಕ ಮರಣದ ಕಾರಣ ಅದೇ ವಾರ್ಡ್ನಲ್ಲಿ ಭಾಸ್ಕರ್ ಅವರು ಅಚ್ಚರಿಯ ಅಭ್ಯರ್ಥಿ ಎಂಬಂತೆ ಸ್ಪರ್ಧೆ ಮಾಡಿ ವಿಜೇತರಾಗುವ ಮೂಲಕ 6 ತಿಂಗಳ ಅವಧಿಗೆ ಸದಸ್ಯರಾಗಿದ್ದರು.

ಬಳಿಕ ನಡೆದ ಚುನಾವಣೆಯಲ್ಲಿ ಮತ್ತೆ ಸ್ಪರ್ಧಿಸಿದ ಭಾಸ್ಕರ್ ಅವರು 2021 ರಿಂದ 2026 ರ ಪೂರ್ಣ ಅವಧಿಗೆ ದೊಡ್ಡಬಳ್ಳಾಪುರ ನಗರಸಭೆ ಸದಸ್ಯರಾಗಿ ಆಯ್ಕೆಯಾದರಾದರು, ಆದರೆ ದುರಾದೃಷ್ಟವಶಾತ್ ಕೆ.ಜಿ.ರಘುರಾಮ್ ಅವರಂತೆ ಭಾಸ್ಕರ್ ಕೂಡ ಅನಾರೋಗ್ಯದಿಂದ ನಿಧರಾಗುವ ಮೂಲಕ ಹೇಮಾವತಿ ಪೇಟೆಯ ನಗರಸಭೆ ಸದಸ್ಯತ್ವದ ಅವಧಿಪೂರ್ಣಗೊಳಿಸಲು ಸಾಧ್ಯವಾಗಿಲ್ಲ.