ದೊಡ್ಡಬಳ್ಳಾಪುರ: ಕರೊನಾ ಸೋಂಕಿಗೆ ಒಳಗಾಗಿ ಇಸ್ತೂರಿನ ವಸತಿ ಶಾಲೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ಐದು ಮಂದಿ ಕರೊನಾ ವಾರಿಯರ್ಸ್ ಶನಿವಾರ ಗುಣಮುಖರಾಗಿ ಮನೆಗೆ ಮರಳಿದ್ದಾರೆ.
ತಾಲೂಕಿನಲ್ಲಿ ಕರೊನಾ ಸೋಂಕು ನಿಯಂತ್ರಣಕ್ಕಾಗಿ ಶ್ರಮಿಸುತ್ತಿರುವಾಗಲೇ ಕರೊನಾ ಸೊಂಕಿಗೆ ಒಳಗಾದ ಆರೋಗ್ಯ ಹಾಗೂ ಪೊಲೀಸ್ ಇಲಾಖೆಯ ಕರೊನಾ ವಾರಿಯರ್ಸ್ ಚಿಕಿತ್ಸೆ ಪಡೆಯುತ್ತಿದ್ದಾರೆ.ಇವರಲ್ಲಿ ಐದು ಮಂದಿ ಸೋಂಕಿನಿಂದ ಗುಣಮುಖರಾಗಿ ಮನೆಗೆ ಮರಳಿದ್ದಾರೆ.
ದೊಡ್ಡಬಳ್ಳಾಪುರ ತಾಲ್ಲೂಕಿನಲ್ಲಿ 24 ಮಂದಿಗೆ ಕರೊನಾ ಸೋಂಕು ದೃಢ
ತಹಶಿಲ್ದಾರ್ ಟಿ.ಎಸ್.ಶಿವರಾಜ್ ಅವರು ಬಿಡುಗಡೆ ಮಾಡಿರುವ ಶನಿವಾರದ ಕರೊನಾ ಬುಲೆಟಿನ್ ವರದಿಯಂತೆ,ತಾಲೂಕಿನ 22 ಮಂದಿ ಪುರುಷರು ಹಾಗೂ ಇಬ್ಬರು ಮಹಿಳೆಯರು ಸೇರಿದಂತೆ 24 ಮಂದಿಗೆ ಸೋಂಕು ದೃಢಪಟ್ಟಿದ್ದು,ಐದು ಮಂದಿ ಗುಣಮುಖರಾಗಿದ್ದಾರೆ.
ಹರಿತಲೇಖನಿಗೆ ದೊರಕಿರುವ ವರದಿಯನ್ವಯ ನಾಗದೇನಹಳ್ಳಿ 1, ಕರೇನಹಳ್ಳಿ 2, ಟಿಬಿ ಸರ್ಕಲ್ ನ ಮೂರನೆ ರಸ್ತೆ 1 ಹಾಗೂ ನಾರಾಯಣಪ್ಪ ಲೇಔಟ್ 1, ಗುಡ್ಡಹಳ್ಳಿ 1, ರೈಲ್ವೆ ಸ್ಟೇಷನ್ 4, ಗಾಂಧಿನಗರ 1, ತೇರಿನಬೀದಿ 1, ದರ್ಗಾಜೋಗಹಳ್ಳಿ 1, ಎಲೆಪೇಟೆ 1, ಭುವನೇಶ್ವರಿ ನಗರ 1, ಬಾಶೆಟ್ಟಿಹಳ್ಳಿ 2, ರೋಜಿಪುರ 1, ಪಾಲ್ ಪಲ್ ದಿನ್ನೆ 1, ಹುಲಿಕುಂಟೆಯ ಸರ್ಕಾರಿ ಆಸ್ಪತ್ರೆ 1, ದೊಡ್ಡಬಳ್ಳಾಪುರದ ಕರೊನಾ ವಾರಿಯರ್1, ಕೋಡಿಗೇಹಳ್ಳಿಯ ಮೆಣಸಿ ಕ್ರಾಸ್ 1 ಸೇರಿದಂತೆ ಕಸುವನಹಳ್ಳಿಯ ಓರ್ವ ವ್ಯಕ್ತಿಗೆ ಕರೊನಾ ಸೋಂಕು ದೃಢಪಟ್ಟಿದೆ ಎನ್ನಲಾಗಿದೆ.
ಪ್ರಸ್ತುತ ತಾಲೂಕಿನಲ್ಲಿ 516 ಕರೊನಾ ಪ್ರಕರಣಗಳಾಗಿದ್ದು,16 ಮಂದಿ ಮೃತ ಪಟ್ಟು, 199 ಮಂದಿ ಗುಣಮುಖರಾಗಿ ಮನೆಗೆ ಮರಳಿದ್ದಾರೆ.
ಸೋಂಕಿಗೆ ಒಳಗಾದ 33 ಮಂದಿಯನ್ನು ದೊಡ್ಡಬಳ್ಳಾಪುರ ಕೊವಿಡ್ ಕೇರ್ ಸೆಂಟರ್ನಲ್ಲಿ ಚಿಕಿತ್ಸೆ ನೀಡಲಾಗುತ್ತಿದ್ದು,ಉಳಿದ 268 ಮಂದಿಯನ್ನು ದೇವನಹಳ್ಳಿ / ಹಜ್ ಭವನ /ಖಾಸಗಿ ಆಸ್ಪತ್ರೆ / ಹೊಂ ಹೈಸೋಲೇಷನ್ / ಇಸ್ತೂರಿನ ವಸತಿ ನಿಲಯ / ಬಚ್ಚಹಳ್ಳಿ ವಸತಿ ನಿಲಯ / ಬೆಂಗಳೂರಿನ ಸರ್ಕಾರಿ ಸಾರ್ವಜನಿಕ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ ಎನ್ನಲಾಗಿದೆ.
ಉಳಿದಂತೆ ಶುಕ್ರವಾರ ತೀವ್ರ ಅನಾರೋಗ್ಯಕ್ಕೆ ಒಳಗಾಗಿ ಹೆಚ್ಚಿನ ಚಿಕಿತ್ಸೆಗೆ ಬೆಂಗಳೂರಿನ ಆಸ್ಪತ್ರೆಗೆ ತುರ್ತು ನಿಗಾಘಟಕಕ್ಕೆ ದಾಖಲಾಗಿದ್ದ,ದೊಡ್ಡಬಳ್ಳಾಪುರದ ಕರೊನಾ ವಾರಿಯರ್ಸ್ ಆರೋಗ್ಯ ಸ್ಥಿರವಾಗಿದೆ ಎಂದು ವೈದ್ಯಕೀಯ ಮೂಲಗಳು ತಿಳಿಸಿವೆ
