ಬೆಂಗಳೂರು: ಗ್ರಾಮಾಂತರ ಜಿಲ್ಲೆಯಲ್ಲಿ ಬೆಳಿಗ್ಗೆ 10:00 ಗಂಟೆಯವರೆಗೆ ಶೇ.13.4 ರಷ್ಟು ಮತದಾನವಾಗಿದೆ. ಪ್ರಸ್ತುತ 2268 ಮತದಾರರ ಪೈಕಿ, 305 ಮತದಾರರಿಂದ ಮತ ಚಲಾವಣೆಯಾಗುವ ಮೂಲಕ ಬೆಂಗಳೂರು ಶಿಕ್ಷಕರ ಕ್ಷೇತ್ರದ ವ್ಯಾಪ್ತಿಯಲ್ಲಿ ಒಟ್ಟು ಶೇ.10 ರಷ್ಟು ಮತದಾನವಾಗಿದೆ.
ಬೆಂಗಳೂರು ಗ್ರಾಮಾಂತರ ಜಿಲ್ಲೆಯಲ್ಲಿ ಒಟ್ಟು 17 ಮತಗಟ್ಟೆಗಳನ್ನು ಸ್ಥಾಪಿಸಲಾಗಿದ್ದು, ನೆಲಮಂಗಲ ತಾಲ್ಲೂಕಿನಲ್ಲಿ 3, ದೊಡ್ಡಬಳ್ಳಾಪುರ ತಾಲ್ಲೂಕಿನಲ್ಲಿ 5, ಹೊಸಕೋಟೆ ತಾಲ್ಲೂಕಿನಲ್ಲಿ 5 ಹಾಗೂ ದೇವನಹಳ್ಳಿ ತಾಲ್ಲೂಕಿನಲ್ಲಿ 4 ಮತಗಟ್ಟೆ ಸ್ಥಾಪಿಸಲಾಗಿದ್ದು 7 ಮತಗಟ್ಟೆ ಗಳು ಸೂಕ್ಷ್ಮ ವಲಯ ಎಂದು ಗುರ್ತಿಸಲಾಗಿದೆ
ಶಿಕ್ಷಕರ ಕ್ಷೇತ್ರದ ಚುನಾವಣೆ ಯಲ್ಲಿ 1260 ಪುರುಷ ಮತದಾರರು 1008 ಮಹಿಳಾ ಮತದಾರರು ಒಟ್ಟಾರೆ 2268 ಮತದಾರರಿದ್ದು 17ಮತಗಟ್ಟೆ ಕೇಂದ್ರಗಳಿಗೆ 4 ಮತಗಟ್ಟೆ ಅಧಿಕಾರಿಗಳಂತೆ ಒಟ್ಟಾರೆ 68 ಮಂದಿ ಯನ್ನು ನಿಯೋಜಿಸಲಾಗಿದ್ದು ಹಾಗೂ 16 ಮಂದಿ ಅಧಿಕಾರಿಗಳನ್ನು ಕಾಯ್ದಿರಿಸಲಾಗಿದೆ
ಬೆಳಗ್ಗೆ 8 ಗಂಟೆಯಿಂದ ಸಂಜೆ 5ರ ವರೆಗೂ ಮತದಾನಕ್ಕೆ ಅವಕಾಶ ನೀಡಲಾಗಿದೆ, ಶಾಂತಿಯುತ ಮತದಾನಕ್ಕಾಗಿ ಪ್ರತಿ ಮತಗಟ್ಟೆಗೆ 7 ಜನರ ಸಿಬ್ಬಂದಿ ನಿಯೋಜನೆ ಮಾಡಲಾಗಿದೆ , ಇಬ್ಬರು ಪೊಲೀಸ್ ಸೇರಿದಂತೆ ಆರೋಗ್ಯ ಸಿಬ್ಬಂದಿ ಒಬ್ಬರಂತೆ ನಿಯೋಜನೆ ಮಾಡಲಾಗಿದೆ. ಡಿ.ಸಿ ಮತ್ತು ಆಯಾ ತಾಲ್ಲೂಕಿನ ತಹಶಿಲ್ದಾರ್ ಗಳು ಎ.ಆರ್.ಓ ಗಳಾಗಿ ನೇಮಕ ಮಾಡಲಾಗಿದ್ದು, ನಾಳೆ ಸಂಜೆ ವರೆಗೂ ಜಿಲ್ಲೆಯಾದ್ಯಂತ 144 ಸೆಕ್ಷನ್ ಜಾರಿಯಾಗಿದೆ.
ಶಿಕ್ಷಕರ ಸಮಸ್ಯೆಗಳನ್ನ ಪತ್ರನಿಧಿಸುವ ಅರ್ಹ ಪ್ರತಿನಿಧಿ ಚುನಾಯಿಸುವ ಅವಕಾಶ ಇದು, ಪ್ರತಿಯೊಬ್ಬ ಶಿಕ್ಷಕರು ಮತದಾನ ಮಾಡಿ ಶಿಕ್ಷಕರ ಪ್ರತಿನಿಧಿಯನ್ನ ಆಯ್ಕೆ ಮಾಡಬೇಕು, ಕೊರೊನಾ ಸಮಯದಲ್ಲಿ ಖಾಸಗಿ ಶಾಲೆಯ ಶಿಕ್ಷಕರು ಸಂಬಳ ಇಲ್ಲದೆ ತರಕಾರಿ ಮಾರಿದ್ದಾರೆ , ಸಾಕಷ್ಟು ಶಿಕ್ಷಕರ ಕುಟುಂಬಗಳು ಸಂಕಷ್ಟದಲ್ಲಿವೆ, ಶಿಕ್ಷಕರ ಸಮಸ್ಯೆಗಳಿಗೆ ಸ್ಪಂದಿಸುವ ಅಭ್ಯರ್ಥಿಯನ್ನು ಆಯ್ಕೆ ಮಾಡಿ, ಮತದಾನ ಮಾಡಿದ್ದು ಖುಷಿ ತಂದಿದೆ ಎಂದು ಮತದಾನ ಮಾಡಿದ ಶಿಕ್ಷಕರು ತಮ್ಮ ಸಂತಸ ಹಂಚಿಕೊಂಡಿದ್ದಾರೆ.
