ಬೆಂಗಳೂರು: ಕನ್ನಡ ಚಿತ್ರರಂಗದ ಖ್ಯಾತ ನಟ ದರ್ಶನ್ (Darshan) ವಿರುದ್ಧ ಕೆಲ ತೆಲುಗು ಪೇಜ್ಗಳು ಅವಹೇಳನಾಕಾರಿಯಾಗಿ ಪೋಸ್ಟ್ ಮಾಡಿರುವುದು, ದರ್ಶನ್ ಅಭಿಮಾನಿಗಳು ಹಾಗೂ ಕನ್ನಡಿಗರ ತಾಳ್ಮೆ ಕೆಡಿಸಿದ್ದು, ಶುಕ್ರವಾರ ರಾತ್ರಿಪೂರ ತೆಲುಗು ಪೇಜ್‌ಗಳ ವಿರುದ್ಧ ಸರಣಿ ಟ್ವಿಟ್ ಸಮರ ನಡೆದಿದೆ.
ಮೊದಲೇ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಕನ್ನಡ ಚಿತ್ರರಂಗದ ಮಾಸ್ ಹೀರೋ, ಅವರಿಗಿರುವ ಅಭಿಮಾನಿಗಳು ಪ್ರಸ್ತುತ ಕನ್ನಡ ಚಿತ್ರದ ಯಾವೊಬ್ಬ ನಟರಿಗೂ ಸಾಟಿಯಿಲ್ಲ ಎಂಬದು ವಾಸ್ತವ.
ಗೆಳತಿಗೆ ಅಶ್ಲೀಲ ಸಂದೇಶ ಕಳಿಸಿದ ವ್ಯಕ್ತಿಯೋರ್ವನ ಹತ್ಯೆ ಆರೋಪದ ಕಾರಣ ನ್ಯಾಯಾಂಗ ಬಂಧನಕ್ಕೆ ಒಳಗಾಗಿದ್ದರು, ದರ್ಶನ ಅವರನ್ನು ಅಭಿಮಾನಿಗಳು ಬಿಟ್ಟುಕೊಟ್ಟಿಲ್ಲ. ಅಲ್ಲದೆ ಈ ಪ್ರಕರಣದ ಬಳಿಕೆ ಖಾಸಗಿ ಸುದ್ದಿವಾಹಿನಿಗಳ ಟಾರ್ಗೆಟ್ ಗೆ ದರ್ಶನ್ ಒಳಗಾದರು ಎಂಬುದು ವ್ಯಾಪಕ ಆರೋಪ, ಆಕ್ರೋಶಕ್ಕೆ ಕಾರಣವಾಯಿತು. ಆದರೆ ಇದು ದರ್ಶನ್ ಅವರ ಬಗ್ಗೆ ಅಭಿಮಾನಿಗಳ ಅಭಿಮಾನ ಇಮ್ಮುಡಿಗೊಳಿಸಿದೆ.
ದರ್ಶನ್ ನ್ಯಾಯಾಂಗ ಬಂಧನ ಬಳಿಕ ಖಾಸಗಿ ಚಾನೆಲ್ ಗಳ ಟಾರ್ಗೆಟ್ ವರದಿಗಳಿಂದಾಗಿ ಮಹಿಳಾ ಅಭಿಮಾನಿಗಳ ಸಂಖ್ಯೆ ಹೆಚ್ಚಾಗಿದ್ದಾರೆ ಎಂಬ ಮಾತುಗಳು ಇವೆ.
ಕನ್ನಡ ಚಿತ್ರರಂಗದ ಕುರಿತು ಅಪಾರ ಅಭಿಮಾನ ಹೊಂದಿರುವ ಪ್ರಸ್ತುತ ನಟರಲ್ಲಿ ದರ್ಶನ್ ಮೊದಲ ಸ್ಥಾನದಲ್ಲಿ ನಿಲ್ಲುತ್ತಾರೆ. ಏಕೆಂದರೆ ನನಗೆ ಕನ್ನಡ ಚಿತ್ರರಂಗವೇ ಸಾಕು, ಪ್ಯಾನ್ ಇಂಡಿಯಾ ಬೇಡ. ಇಲ್ಲಿನ ನೆಲ, ಜಲ, ಭಾಷೆಯ ಸೊಗಡಿನ ಚಿತ್ರಗಳು ಮುಖ್ಯ ಎಂಬುದು ದರ್ಶನ್ ನೇರ ನುಡಿ. ಇದು ಕನ್ನಡಿಗರ ಪ್ರಶಂಸೆಗೆ ಕಾರಣವಾಗಿದೆ.
ಇದರ ನಡುವೆ ಗುರುವಾರ ತೆಲುಗು ಪೇಜ್ಗಳಲ್ಲಿ ದರ್ಶನ್ ವಿರುದ್ಧ ಏಕಾಏಕಿ ಟ್ರೋಲ್ ಮಾಡಲಾಗಿದೆ. ಇದು ಕನ್ನಡಿಗರು ಹಾಗೂ ದರ್ಶನ್ ಅಭಿಮಾನಿಗಳ ತಾಳ್ಮೆ ಕೆಡಿಸಿದೆ.
ಈ ಹಿನ್ನೆಲೆಯಲ್ಲಿ ದರ್ಶನ್ ಅಭಿಮಾನಿ ಪೇಜ್ಗಳು ಹಾಗೂ ಕನ್ನಡಿಗರ ಪೇಜ್ಗಳು, ದರ್ಶನ್ ಅವರನ್ನು ಅವಹೇಳನ ಮಾಡಿದ ತೆಲುಗು ಪೇಜ್‌ಗಳ ವಿರುದ್ಧ ಟ್ವಿಟ್ ಸಮರ ನಡೆಸಿದ್ದು, ತೆಲುಗು ಪೇಜ್ಗಳಿಗೆ ರಾತ್ರಿ ಪೂರ ನಿದ್ರೆ ಇಲ್ಲದಂತೆ ಮಾಡಿ, ಕಾಡಿಸಿದ್ದಾರೆ.
ಟ್ವಿಟ್ ವಾರ್ಗಳಲ್ಲಿ ಕೆಲ ಅಶ್ಲೀಲ ಭಾಷೆಗಳು ಬಳಕೆಯಾಗಿದ್ದು, ತೀವ್ರ ಸ್ವರೂಪದ ಸಮರವೇ ನಡೆಯುತ್ತಿದೆ.
